Вести

Вести

Обуката за бизнис вештини во Уганда успешно заврши: Нови можности за младите претприемачи

Од 21 до 25 октомври 2024 година, во Кабале, Уганда, успешно заврши обуката за бизнис вештини според познатата ЦЕФЕ методологија. Предводена од сертифицираниот ЦЕФЕ обучувач Џералд Аребахона, обуката овозможи 15 девојки од стручното училиште Друцила Балаба да ги усвојат основните претприемачки вештини и да развијат иновативни концепти за нивните бизнис идеи. Во текот на обуката, учесничките успешно ги поминаа модулите за бизнис идеја, поставување цели, маркетинг, производство, финансии и организација. Преку овие теми, тие стекнаа важни знаења и алатки кои ќе им помогнат во развивањето и управувањето со сопствените бизниси. Оваа обука е дел од пошироката иницијатива на ЦЕФЕ Македонија за промовирање на претприемачката култура во Уганда, со визија да се поттикнат младите на економски развој и одржлив напредок. Следните обуки се планирани за ноември и декември 2024 година, продолжувајќи ја мисијата за создавање можности и посветла иднина за младите во овој регион.

Вести

Одржана обука за обучувачи за претприемништво според ЦЕФЕ методологијата во Осијек

Од 9 до 18 октомври 2024 година, во Осијек, Хрватска, се одржа обука за обучувачи за претприемништво според ЦЕФЕ методологијата. Обуката собра 32 учесници од осум земји: Македонија, Хрватска, Романија, Португалија, Шпанија, Литванија, Грција и Турција. Учесниците беа младински работници, наставници, обучувачи, проектни менаџери и претприемачи, со заедничка цел да го подобрат својот пристап кон претприемачката едукација и да ги стекнат потребните вештини за развој на бизниси. Мастер ЦЕФЕ обучувач на оваа обука беше Јован Сталевски, додека од Македонија учествуваа Арбен Хоџа и Адријан Етеми од СОУ „Цветан Димов“ – Скопје и Славица Тасева, професионален консултант за кариерен развој од Скопје. Главната цел на обуката беше учесниците да се запознаат со ЦЕФЕ моделот и да стекнат алатки за развој на претприемачки идеи и способности. Тие научија како да го пренесат моделот во своите заедници и да ги обучуваат идните претприемачи. Програмата вклучи сесии за развој на бизнис идеи, анализирање на бизнис околината, креирање на маркетинг план, финансиски план и изработка на бизнис план. Учесниците изразија високо задоволство од обуката, со повеќе од 80% позитивни оценки по сите критериуми. Тестирањата на почетокот и на крајот од обуката покажаа значителен напредок во знаењето – од 36 поени на 54 од можни 70, што претставува подобрување од 46%. На крајот на обуката, учесниците добија сертификати за учество и одобрение за користење на ЦЕФЕ алатките. Во наредниот период, тие ќе организираат самостојни обуки во своите држави, со што ќе добијат лиценца за користење на ЦЕФЕ методологијата на глобално ниво. Со оваа обука, се придонесува кон градење на претприемачки ориентирани заедници, каде што претприемачите ќе имаат можност да ги развијат своите идеи и да го водат економскиот напредок.

Вести

Започна обука за бизнис вештини во Кабале, Уганда според ЦЕФЕ методологијата

Од 21 до 25 октомври 2024 година, во Кабале, Уганда, се одвива обука за бизнис вештини според познатата ЦЕФЕ методологија. Обуката, која е предводена од сертифицираниот ЦЕФЕ обучувач Џералд Аребахона, има за цел да им помогне на 15 девојки од стручното училиште Друцила Балаба да стекнат претприемачки вештини и да развијат концепти за нивните бизнис идеи. Учесниците на обуката ги изучуваат темите: претприемачки карактеристики, анализа на бизнис идеи, маркетинг план, финансиски план, план на производство и организација, како и околина на бизнисот. Ова е дел од пошироката иницијатива за поттикнување на претприемачка култура во регионот Кабале. Џералд Аребахона, кој се стекна со ЦЕФЕ лиценца во 2021 година, во име на ЦЕФЕ Македонија потпиша меморандуми за соработка со неколку образовни и хуманитарни институции, меѓу кои и Друцила Балаба стручно училиште, Шепард организацијата за деца сираци и Хосана училиште за стручно образование од Кабале. Овие меморандуми ќе овозможат организирање на уште 7 обуки до април 2025 година во различни училишта и организации во Уганда. Следните обуки ќе се одржат во ноември и декември 2024 година, а визијата на оваа соработка е да се поттикне претприемачка култура и компетенции кај младите од регионот Кабале, со што ќе се создадат нови можности за економски развој и одржлива иднина.

Вести

Јакнење на иднината на туризмот: Ученици од Македонија ја истражуваат моќта на виртуелната реалност

Како дел од проектот ВИРТУАЛ  https://www.virtual-erasmusproject.eu/, чија цел е јакнење на дуалното образование во туристичкиот сектор преку виртуелна и проширена реалност, ЦЕФЕ Македонија организираше мобилност за 10 ученици и студенти од наши партнерските училишта,  СОУ Коле Нехтенин Штип, ДСУ РЦСОО Коле Неделковски Велес и ОСУ Ацо Русински Берово.  Мобилноста се спроведе на Универзитетот за Бизнис и Технологија во Приштина, Косово, во периодот од 10 до 11 октомври 2024 година. Целта на оваа мобилност беше да ги запознае учесниците со моќта на технологијата и можностите за едукација преку виртуелните технологии и дидактички алатки, конкретно преку виртуелна и проширена реалност. Оваа иницијатива има за цел да го зголеми квалитетот на образованието за учениците и индиректно да придонесе кон развојот на туристичкиот сектор во нашата земја. Проектот ВИРТУАЛ е дизајниран за подобрување на компетенциите, вештините и можностите за вработување кај учениците од стручното образование (ВЕТ секторот), особено во областите на угостителството и туризмот. Тој се фокусира на интегрирање на иновативни технологии, како што се виртуелна реалност (VR), проширена реалност (AR) и симулатори, во ВЕТ институциите низ Западен Балкан, поддржувајќи ја пошироката концепција на Образование 4.0.

Вести

Обука за користење на дидактички алатки преку примена на виртуелна технологија

Во рамки на проектот ВИРТУАЛ (јакнење на дуалното образование во туристичкиот сектор преку виртуелна и огментирана реалност). https://www.virtual-erasmusproject.eu/ , ЦЕФЕ Македонија организираше обука за 10 експерти и професори од областа на туризмот, како и преставници на наши партнерски организации.  Обуката се спроведе во период од 30.09 до 04.10.2024 во Европскиот Универзитет Тирана кои беа домаќини на истата како организација дел од проектот. Целта на обуката беше запознавање на учесниците со дидактички алатки за едукација преку примена на виртуелната и огментативната реалност, со цел да се зголеми квалитетот и можностите за едукација на студентите и учениците, а индиректно да придонесе во развој на туристичкиот сектор во нашата земја. Проектот ВИРТУАЛ има за цел да го подобри нивото на компетенции, вештини и потенцијал за вработување кај учениците од стручното образование (ВЕТ секторот) преку нови и иновативни образовни програми од областа на туризмот (угостителство и ресторани), конкретно со примена на иновативна технологија како што е виртуела реалност (VR), проширена реалност (AR) и симулатори во ВЕТ институциите од Западен Балкан. Ова е популарно наречено Образование 4.0.

Вести, Соработки

Барање на понуди за превозни услуги

ЦЕФЕ Македонија за потребите на своите активности бара превозни компании или индивидуалци да достават понуда на услуги и цени за следните дестинации: Понудите доставете ги најдоцна до 29.09.2024 година.  Во понудата ве молиме доставете: За информации и испраќање на понудите: Благој Трајков blagoj.t@cefe.mk и info@cefe.mk +389 71 324 959