Вести

Вести

Мобилна апликација која ги зголемува шансите за вработување и професионален развој!

Преку игра на мобилен телефон ќе ги зголемиме нашите шанси за вработување и професионален развој! Од Шпанија го започнуваме новиот проект VOCCESS каде што со партнери од Италија, Шпанија, Турција и Бугарија ќе креираме софтвер за кариерно ориентирање и професионален развој за младите во светот. Планот е да им ја олесниме работата на кариерните центри и да го направиме професионалниот развој поинтересен за младите. Овој викенд претставници од ЦЕФЕ Македонија се сретнаа со партнерите во Валенсија, за да ги разговараат деталите околку реализацијата на VOCCESS. На 23 и 24 фебуари се одржа kick-off состанок, каде што ги поставивме целите и вредностите на проектот. Почнуваме со полна пареа, следете не за повеќе информации!

Вести

Завршна конференција на проектот за поддршка на фамилијарните бизниси

На 23ти јануари, во Атинската комора за трговија и иднустрија се одржа завршната конеференција на проектот за поддршка наследниците на фамилијарните бизниси и нивното успешно наследување – ФАБУСС (FAmily BUsiness Successful Succession). Проектот е дел од  Еразмус+ програмата, со времетраење од 24 месеци, а во него учествуваа партнерски организации од 6 зејми, во координација на Атинската Стопанска Комора. Целта на овој проект беше да им се помогне на младите инволвирани во фамилијарните бизниси да стант успешни и ефективни наследници. Во Македонија се смета дека над 50% од бизнисите се фамилијарни и имаат голем удел во вкупниот БДП, како и во понудата на работни места, со што пружаат голема поддршка на македонската економија. Во име на партнерите од Македонија – ЦЕФЕ Македонија и НМСМ, зборуваше претседателот на ЦЕФЕ – Јован Сталевски, кој истакна дека “овој проект ги разбуди наследниците, претприемачите, поддржувачите и експертите за фамилијарни бизниси да делуваат проактивно во успешното наследување на фамилијарните бизниси. Зошто? Бидејќи повеќе од две третини од сите мали и средни претпријатија во државата се истоветуваат со фамилијарни бизниси, а тоа е значаен дел од Македонскиот БДП и конкретните работни места во сите региони на државата”. На конференцијата се зборуваше и за важноста на проектот, неговата имплементација и постигнатите резултати. Зборувајќи на конференцијата, претседателот на Атинската Стопанска Комора, г. Константинос Михалос, итакна дека: „Преку обуките во FABUSS проектот на учесниците им беше дадена можност да се здобијат со соодветни вештини и знаења, за да можат ефективно да управуваат и развиваат фамилијарни бизниси, како и да ги имплементираат иновативните стратегии, да ги искористат можностите за вмрежување и соработка со претпријатија од други земји. Создавањето на подобри услови за транзиција на фаилијарните бизниси од една на друга генерација беше потребата на која сакавме да одговориме со FABUSS. Со други зборови сакавме да им помогнеме на помладите членови на семејството да станат компетентни и ефективни наследници. Во тој контекст, организиравме партнерство на актери од шест земји: Грција, Италија, Кипар, Бугарија, Португалија и Македонија, преземајќи ја улогата на координатор. Првиот чекор беше да се спроведе истражување за да се идентификуваат потребите, по што следеше 25-часовна програма за семинари, каде што вкупно, беа обучени 235 лица кои учествуваа бесплатно. Сите овие, сегашни или идни сопственици на фамилијарни бизниси, имаа можност да присуствуваат на презентации, да учествуваат во дискусиите и да учат специјален едукативен материјал за успешна деловна сукцесија. Сакавме оваа работа да создаде добра практика, поглавје на искуство и материјал кој ќе биде експлоатиран во иднина, како од Атинската Стопанска Комора, така и од партнерите, а и од други засегнати страни за поддршка на процесот на сукцесија во фамилијарните бизниси. Во оваа смисла, верувам дека овој проект ќе продолжи да ја исполнува својата цел, дури и по неговото завршување.“ Во овој проект се постигнаа следните резултати: Се идентификуваа и се нагласија најдобрите практики за обука и поддршка на идната генерација на лидери во фамилијарните бизниси; Им се овозможи на идната генерација лидери да дојдат до потребните знаења, вештини и контакти- национални и меѓународни; Се зајакнаа знаењата и вештините на идните лидери, преку транснационални практики, експертиза и тимска работа со членовите од целната група од други земји; Се поддржаа долговечноста на фамилијарните бизниси, нивно обновување и интернационализација, со цел реализација на нивниот социјално-економски придонес;  Се идентификуваа и анализираа регионалните потреби во полето на фамилијарните бизниси и младинското претприемништво; Се креираше и имплементираше онлајн платформа за подобрување на нивото на претприемачки знаења и вештини на младите-наследници на семеен бизнис. За време на конференцијата, беа направени повеќе предлози за експлоатација на програмата FABUSS: Искористување на производите на FABUSS и на други организации за дополнување на нивните сопствени програми Пренесување на материјал за обука на FABUSS до заинтересирани провајдери на обуки во регионот Идивидуален коучинг на двете генеррации Развивање на програми за претприемачки вештини кај децата Развивање на нови претприемачки програми според потребите на двете генерации ЦЕФЕ Македонија веќе работи на следните активности кои продолжуваат да пружаат поддршка на фамилијарните бизниси. Од февруари започнуваме со спроведување на обуки со материјалите произведни во ФАБУСО, а спремаме и  форум на фамилијарни бизниси кој ќе се одржи во октомври оваа година.

Вести

Обука за CANVA Design

Едноставноста и можностите кои ги нуди CANVA Design платформата предизвикаа голем интерес кај бизнисите во Македонија, но и кај поединците кои сакаат да ги надоградат своите вештини. Поради можностите кои ги нуди дигиталниот маркетинг, се’ повеќе компании пројавуваат интерес за овој тип на промоција што предизвика цената на овие услуги нагло да пораснат во изминатите неколку години и да претставува луксуз за микро, малите и средни бизниси, особено за оние кои штотуку започнуваат со работа. Бидејќи мисијата на ЦЕФЕ Македонија е да ги гради претприемачките и менаџерските компетенции на економските актери во општеството, т.е. да им помага на микро, малите и средни претпријатија и оние кои сакаат да започнат бизнис, ви нудиме решение кое што ќе ве позиционира во светот на визуелните комуникации – ефикасна обука за користење на CANVA Design платформата. Што е CANVA Design? Тоа е онлајн платформа каде можете да го креирате дигиталниот идентитет на вашиот бизнис. Зошто е потребна оваа обука? Сите ќе признаеме дека живееме во време на дигитализација, каде што квалитетот на дигиталниот маркетинг е еден од есенцијалните елементи, клучни за успехот и продажбата на сите организации и компании. Оние компании кои што ја имаат препознаено оваа потреба, денес остваруваат огромен напредок и профит, благодарение токму на дигиталната промоција и визуелниот идентитет. Што ќе научите на оваа обука? Поради едноставните алатки и готови темплејти на CANVA Design платформата, ќе можете сами да создавате рамки за вашите промотивни фотографии на социјалните медиуми или пак да креирате постери, флаери или темплејти за вашите Power Point презентации или материјали за печатење. За таа цел го ангажиравме обучувачот, Предраг М. Клекачкоски да ви ги пренесе техниките, советите и искуствата за како да извлечете максимум од Канва, како и основите на дизајнот и визуелниот идентите на една компанија. Со оваа работилница ќе ги поставите основите за креација на вашите идни промотивни материјали и ќе се здобиете со знаење кое понатаму ќе ви помогне при создавањето на квалитетни дизајни, а шансите вашиот бизнис да биде виден и препознаен од потенцијалните клиенти ќе бидат поголеми. Работилницата ќе се одржи на 31.01.2019 во просториите на ЦЕФЕ Македонија,  Бул. „Партизански Одреди бр. 27/А/3 (Над Комерцијална Банка во Буњаковец), со времетраење, од 16:30 до 20:00 часот. Вашата инвестиција во оваа вештина ќе изнесува само 700 денари. Бидејќи местата се ограничени, Ве молиме резервирајте го вашето место навреме со регистрација на следниов линк. Во политиката на работа на ЦЕФЕ Македонија, изборот на учесници се прави по принципот, прв дојден, прв услужен. А за потврда на резервацијата за учество, ја земаме во предвид уплатата на нашата жиро сметка: НЛБ Банка, АД Скопје 210-0637710601-47, Цел на дознака: Обука CANVA Design.

Вести

Партнерски состанок во Потенца, Италија

На 11 и 12 јануари 2019 година, во Потенца, Италија се одржа вториот интернационален состанок во рамки на проектот „Искуствено учење за угнетените групи на возрасни“ (Experiental Pedagogy of the Oppressed for Adults). На состанокот присуствуваа ЦЕФЕ Македонија, ГЕГЕД од Турција, АЕДДП од Грција, ЕУРО НЕТ од Италија и БАСД од Бугарија. Овој проект цели кон развивање на вештините на мигрантите и помагање во нивната социјална интергација, развивајќи ги нивните компетенции и учејќи ги како да ги избегнат или надминат конфликтите преку подобрување на условите за живеење, писменост, пристап до јавни услуги, ИКТ и јазични вештини и поттикнување на интеркултурно учење и физичко-социјален развој; преку развој на активности за обука и создавање разни интелектуални производи, вклучувајќи истражување за нивните потреби и прирачник насочен кон обучувачи и експерти кои работат со оваа целна група. Моментално се работи на финален развој на бесплатен прирачник со конкретни методологии и работни практики за оние кои работат во овој сектор, кои ќе бидат тестирани на 2 обуки, една во Турција (одржана во ноември 2018 година), а друга во Македонија, која ќе се спроведе во јули 2019 година. Овој прирачник се изработува на англиски јазик и на сите јазици на партнерските организации (турски, италијански, грчки, бугарски и македонски) кои ќе бидат бесплатно дистрибуирани до сите заинтересирани страни, за да служат како алатки за понатамушна употреба во развој и имплементација на обуки “

Вести

10-годишнината на ЦЕФЕ Македонија одбележана со конференцијата „Учењето – пат кон успешен бизнис“

Среќни сме да споделиме со вас како помина конференцијата „Учењето пат – кон успешен бизнис“, која се одржа на 7-ми и 8-ми декември во хотел Епинал, Битола, како дел од проектот „Претприемачко учење за млади“ финансиран од Европската Унија. На настанот присуствуваа повеќе од 140 учесници, и повеќе од 15 говорници. Првата сесија ја започнавме со Јовица Митевски од Националната Агенција, кој ни ја претстави Еразмус+ програмата, кои активности ги опфаќа и како да се вклучиме. Потоа зборувавме за обуките и како тие влијаат на развојот на бизнисот, а успешни претприемачи и обучувачи нè инспирираа со своите говори. Па така, Зоран Витанов истакна дека клучна работа за успех е фокусот во работењето, а Марина Анчевска ни посочи дека е важно да сме поврзани со работите околу нас, но да не бидеме врзани. Елеонора Божиновска нè запозна со работата и активностите на Агенцијата за Поддршка на Претприемништвото во Република Македонија (АППРМ) и повика на соработка, додека пак Ванчо Видически ја сподели својата приказна како претприемач и иноватор, додавајќи дека добрата идеја привлекува инвеститори, потребна е само упорност.   По ручекот и неформалното дружење, следеше уште една одлична сесија која започна со обраќање на учесниците од обуките кои беа дел од проектот „Претприемачко учење на млади“. Тие ни го пренесоа и едукативнот, но и забавниот дел од обуките и раширија прекрасна енегрија во целата сала. Рaзговарајќи за новите можности, Маријана Милевска од ПРЕДА сподели повик за бизнис акцелерација, а гости беа и Стевче Ристевски и Билјана Ристева од Kromberg & Shubert, Битола. Тие ни зборуваа за талент меанаџмент академијата и дуалното образование, а Билјана ја охрабри публиката, преку својот личен пример, дека никогаш не е доцна да се надоградиме себеси и да го откриеме својот лидерски потенцијал. Ги слушнавме и Бисерка Шемовска и Стефани Петковска од iVote, кои ни зборуваа за kupikniga.mk, онлајн продажбата и придобивките од неа. Вториот ден имавме можност да слушнеме зошто читањето нè прави поуспешни во бизнисот и да ги претставиме магазините кои беа производ од проектот. За да го направиме доживувањето уште поинтересно, ги донесовме претприемачите кои беа интервјуирани во магазините да ги раскажат своите приказни. Марија Матовска (Social Impact Award) зборуваше за социјалното претприемништво и сподели навистина инспиративни претприемачки приказни, додека Маријана Андриќ (Marand Consulting) се надоврза и ја сподели својата бизнис приказна споредувајќи ги почетоците со сегашните достигнувања. Во втората сесија можевме да ги слушнеме Теодора Николовска (Vrootok Marketing), Иван Марковски (Fresh Farm), Тони Бачваровски (Gordian Systems) и Стефан Митров (M3DS), кои несебично ги споделија своите успешни приказни и совети и им доловија на учесниците како учењето им помогнало при креирањето и развојот на нивните бизниси.   За крај, конференцијата ја затворивме со роденденска прослава за една цела декада постоење на ЦЕФЕ Македонија и градење економии засновани на компетенции преку обуки со искуствено учење. Остваривме неформалнно дружење и вмрежување со одлична музика и превкусна торта.

Вести

Зголемете ја Вашата продажба пред новогодишните празници

Несомнено, продажбата е вештина која е предуслов за успешен бизнис. Таа решава се! Без оглед на тоа колку е квалитетна услугата или производот кој се нуди, доколку тие не се разменат – продадат на пазарот, тогаш се безначајни. Но, како и секоја вештина, тоа е нешто што може да се научи и инкорпорира доколку секојдневно се применува наученото, се до моментот кога ќе премине во ново-стекната навика. Она што сите ние го знаеме, но сепак го занемаруваме е фактот дека сакаме да купуваме, но не сакаме да ни продаваат. Што е разликата? Разликата е во тоа што кога ни продаваат, ние слушаме, а кога купуваме продавачот ни го нуди токму она што нам ни треба, затоа што успеал да дознае што ни е потребно. Како успеал да дознае што ни треба? Пристапот и вистинските прашања се клучот за реализирање на продажбата. За таа цел, ЦЕФЕ Македонија организира еднодневна, високо ефективна и практична обука за зголемување на продажбата пред Новогодишните и Божиќните празници. Оваа обука е дизајнирана за сите нови и искусни продавачи кои сакаат да ги надградат своите вештини за продажба и да го искористат своето време најефективно. Исто така охрабруваме да учествуваат и продажни тимови, со што ќе можат да се стават на иста фреквенција и да се подготват за висока реализација. Поконкретно: Доколку сте продавачи, сопственици, менаџери на компании и потенцијални лица кои се вклучуваат во процесите на продажбата … оваа обука е за вас. Обуката ќе ги опфати следниве теми: Зголемување на продажната продуктивност; Како да импресионирате при комуникација со клиенти; Афирмативен VS. Негациски пристап; Клучни навики и вештини за подобрување на продажниот перформанс; Начини за зголемување на влијанието при водењето на продажните преговори; Зајакнување на продажната продуктивност при директна продажба. Што ќе научите? • Идентификување на однесувањето и вештините на успешните продавачи • Опис на различните типови на продажни модели • Да ги идентификувате и применувате елементите на продажната рамка (АИДА) • Разбирање на потребите на потенцијалните купувачи и како да водите продажен разговор • Избирање на техники за затворање на продажбата • Совети за комплетирање и достигнување на продажните цели • Како да развиете акциски план за употреба на вештините на продажба • Стратегии за одржување добра комуникација со вашите клиенти Кои вештини ќе ги усовршуваме? 1. Наоѓање на потенцијални клиенти; 2. Продажна презентација; 3. Преговарање при продажба; 4. Затварање на продажба; 5. Проследување и одржување контакти; 6. Подготовка за старт на продажен тим. Дали ќе биде применливо за мојот сектор? Убавината на ЦЕФЕ обуките е во нивната флексибилност и можноста да ги користите стекнатите вештини во секој дел од живеењето. Структурата на обуката е таква што ќе ве наоружа со вештини за продавање и практични совети кои може да ги користите и практикувате во продажба на услуги, производи и очекувања. Обуката ќе биде фокусирана на препознавање и задоволување на потребите на купците, и на начинот на кој што тие сакаат да им биде продавано и начинот на кој што тие сакаат да купуваат. Вашиот обучувач ќе биде Леонард Каја, Quality & Team Leader во one.Vip ДОО, кој своето долгогодишно искуство од преку 150 обуки, тренинзи и работилници, ќе ви го пренесе Вам, со цел да ги подобрите вашите продажни вештини, а со тоа и вашиот бизнис. Доколку некоја од горенаведените теми претставува дел од мозикот што би ве зајакнал Вам или Вашиот продажен тим во супер продавачи пред претстојните празници, ве очекуваме на 17.12.2018 во просториите на ЦЕФЕ Македонија (Бул. Партизански Одреди 27/А/3), со траење од 16:00 до 21:00 часот да бидете дел од едно практично искуство. Важно: местата се ограничени на 20 учесници! Што треба да инвестирам за себе? Покрај време и посветеност, се очекува од учесниците да инвестираат и финансиски средства. Благодарение на непрофитната дејност на ЦЕФЕ Македонија, оваа обука ќе ви биде овозможена со инвестиција од само 1.600 денари Промотивни услови: За рано пријавување и уплата до 10ти Декември, следува 20% попуст (или 1240 денари). 2. За групно пријавување од иста компанија или организација, следува попуст од 15% (или вкупно 1360 денари) за вториот учесник и 30% (или вкупна цена од 1120 денари) за третиот. 3. За невработени лица и студенти, попустот изнесува 20%, (или 1240 денари) а истиот се одобрува со приложена потврда од Агенција за Вработување на РМ или индекс. Што добивам дополнително? – Секој кој што успешно ќе ја заврши обуката (активно присуство на најмалку 80% од обуката) се стекнува со сертификат издаден од ЦЕФЕ Македонија и потпишан од обучувачите. – Материјали во електронска и печатена форма; – Листа на контакти за ваше идно вмрежување и соработка; – 50% Попуст за дополнителни консултации при изработката на лични стратегии за зголемување на продажба; – Освежување, кафе и закуска за време на обуката; Бидејќи местата се ограничени, ве молиме резервирајте го вашето место навреме, со регистрација на следниов линк. Во политиката на работа на ЦЕФЕ Македонија, изборот на учесници се прави по принципот, прв дојден, прв услужен. А за потврда на резервацијата за учество, ја земаме во предвид уплатата на нашата жиро сметка: НЛБ Банка, АД Скопје 210-0637710601-47, Цел на дознака: Обука за продажба Контактите на организаторот на настанот од ЦЕФЕ Македонија: 078 201 854 или info@cefe.mk Само инвестицијата во себе е сигурен капитал, Ве очекуваме да соработуваме