Author name: CEFE

Вести

Претприемачко Учење за Млади

Во рамки на проектот „Претприемачко Учење за Млади“, од програмата Еразмус + КА2 стратешко партнерство, финансиран од ЕУ, на 12.04.2018 се одржа втор транснационален состанок во Брашов, Романија. Проектот го имплементира ЦЕФЕ Македонија во партнерство со Sprijin si Dizvoltare (Романија) и Inercia Digital (Шпанија) На овој состанок беа сублимирани активностите околу креирањето на модулите за претприемачко учење и беа поставени основите за развој на следниот интелектуален труд, што претставува онлајн апликација за симулирање на бизнис план.

Вести

Kick-Off состанок во Газиантеп, Турција

На 04 и 05 Април, 2018 година, во рамки на проектот “Experiental Pedagogy of the Oppressed for Adults”, се одржа првиот состанок на партнерите . На состанокот којшто се држа во Југо-Источниот, Турски град Газиантеп, освен ЦЕФЕ Македонија, учествуваа и партнерските организации од Турција, Грција, Италија и Бугарија. Целта на овој проект е обука и истражување на потребите на едукаторите коишто работат со мигранти, со што би им помогнале при процесот на интеграција во општеството на земјите каде што се доселени. Целта на состанокот беше запознавање на партнерите и подетална анализа на целите на проектот. Откако сите партнери ги претставија сопствените организации и со што тие најчесто работат, во која област се специјализирани, следна точка за дискусија беше проектот, со што остатокот од првиот ден и времето предвидено за состанок од вториот ден беа резервирани за дискусија и дефинирање на активностите кои треба да бидат остварени со цел реализација на целите на проектот. Беа договорени улогите на секоја од партнерските организации и временската рамка на проектот со сите активности поединечно. Како краен рок за реализација на целите на овој проект е предвиден Декември 2019 година.    

Вести

Јавен оглас / покана за учество на обуки за наследници на фамилијарни бизниси

Семејните бизниси отсекогаш претставувале многу важна карактеристика во економските структури на многу земји и важен извор за вработување. Тие исто така се важни во обезбедувањето на континуитет помеѓу генерациите, истовремено овозможувајќи потенцијал за иновации, промени, подобрување на конкурентноста на фирмите и напредок. Европската комисија ја препознава важноста на семејните бизниси и нивната улога за европската економија и промовира создавање поволна средина во која семејните бизниси можат да растат и да се развиваат. Еден од клучните предизвици е трансферот на бизнисот, кој во случај на семејни бизниси, бара ефикасен и успешен премин од една генерација во друга. Особено преку проектот ФАБУСС, целта е да им се помогне на младите луѓе поврзани со семејните бизниси да станат способни и ефективни наследници. ФАБУСС е проект во чии рамки најпрво беа направени истражувања за состојбата и потребите на фамилијарните бизниси во државите учеснички во проектот, а подоцна беа изготвени материјали и алатки за обука. Експертите на проектот развија вкупно (6) модули за обука групирани во 3 теми: Тема 1 – Свесност Модул 1: Воочување на проблемите на фамилијарните бизниси Модул 2: Транснационални сличности и разлики Тема 2 – Подготовка Модул 3:  Стратегии за раст за семејни бизниси Модул 4: Лидерство на следната генерација Тема 3 – Управување Модул 5: Ефективно управување и одлучување Модул 6: Комуникација и управување со конфликти Партнерството на проектот го координира Атинската стопанска и индустриска комора и е составена од девет организации, универзитети, консултантски куќи и стопански комори, од пет земји од ЕУ (Грција, Бугарија, Кипар, Италија, Португалија) и од Република Македонија. Обуките се наменети за 180 лица (30 од секоја земја) кои се наследници на фамилијарни бизниси, но и за сопствениците кои планираат да го предадат бизнисот на своите потомци. Обуките ќе траат вкупно 25-часови, а методологијата на работа е комбинирана со практични сесии, дискусии, работа на терен, дополнети со е-учење и транснационални размени за соработка. Обуките ќе бидат организирани во секоја земја-партнер на FABUSS, во период од 3 месеци (Април, Мај и Јуни, 2018 година). Во Македонија, обуките ќе се реализираат во средина на Мај 2018, во Скопје. Обучувачи ќе бидат експерти со долгогодишно искуство кои инспирираат и водат фамилијарен бизнис. Добивките од овие работилници на наследниците на фамилијарните бизниси се: Вмрежување со експерти и останатите наследници на фамилијарни бизниси; Вештини и компетенции за успешно наследување на бизнисите; Поврзување со сродни фамилијарни бизниси со партнерските земји од Јужна Европа; Размена на искуства со бизниси од Јужна Европа; Потенцијална соработка со клиенти од Јужна Европа; Промоција на својот бизнис и преку своите практики, придонес за подобрување на обуката; Сертификат издаден од ЦЕФЕ Македонија и од проектот ФАБУСС; Пристап до ООР – Отворени Образовни Ресурси, наставни материјали и алатки за поддршка за успешна деловна сукцесија предвидена во платформата за е-учење на проектот ФАБУСС. Пријавете се уште денес со пополнување на електонската пријава тука! За подетални информации обратете се на info@cefe.mk или на 078/201-854 или посетете ја нашата веб страна www.fabuss-project.eu Еразмус + Клучна Акција 2, Програма за Стратешки Партнерства Број на проектот: 2016-3-EL02-KA205-002673 FABUSS Проект –FAmily BUsiness Successful Succession Јавен оглас / покана за учество  на работилници за наследници на семејни бизниси  

Вести

Консултативна средба на ЦЕФЕ Македонија

На 29.03.2018 во рамки на проектот „Претприемачко учење за млади“, во просториите на ЦЕФЕ Македонија се одржа консултативна средба чија примарна цел беше споделување на искуствени знаења на 7-те експерти со учесниците на оваа работилница. Воедно, ова беше и одлична можност за вмрежување на учесниците и експертите, со што ќе се овозможи понатамошна комуникација и советување при креирањето, развојот и имплементацијата на нивните бизнис идеи. Гости експерти на оваа работилница беа: -Зоран Витанов (претприемач и креатор на лидери) -Снежана Мојсовска Саламовска (маркетинг специјалист и професор на Економски Факултет Прилеп) -Влатко Данилов (претприемач и финансиски експерт) -Јасмина Антич-Атанасовски (претприемач) -Маја Ристова (адвокат и претседател на Асоцијација на менаџери на Македонија) -Дејан Алчев (пристап до финансии, претставник од НЛБ Банка). -Јане Пандиловски (Менаџер на човечки ресурси во Хотел Мериот) Во позитивна и енергизирана атмосфера, 23-цата учесници на оваа работилница имаа прилика да ги прашаат експертите за информации, совети и упатства кои би им помогнале во креирањето на цврста основа за нивните бизниси и при понатамошниот развој на истите. Беа посочени можностите и погодностите кои би можеле да се искористат при започнувањето на бизнис, но исто и потенцијалните пречки и како истите да се надминат доколку се појават. Но, најмногу време експертите одвоија за охрабрување и мотивирање на младите претприемачи да превземат ризик и да се впуштат во претприемачите води, да соберат храброст и што поскоро да започнат со реализација на сопствените идеи. Исто така, на оваа работилница беше најавен и испромовиран и наредниот аутпут од овој проект, IT-решенија за изработка на бизнис планови. По завршувањето на оваа средба, учесниците беа задоволни затоа што се здобија со нови искуствени информации кои се од големо значење при водење на бизнис, но многу поважно од тоа беше што добија поддршка за реализација на своите бизнис идеи од овие експерти.

Вести

Прашајте се за Вашиот почетен или постоечки бизнис

Она што се случува во бизнисот и секојдневните ситуации коишто можат да влијаат во растот и развојот на истиот, се најчесто изоставени во учебниците. Најчесто тоа се круцијални елементи и случувања во секојдневието на секој претприемач, но справувањето со овие ситуации кои најчесто се појавуваат непредвидено, може да се научи само преку искуство. Бидејќи ЦЕФЕ Македонија препозна од колкава важност се овие ситуации при креирањето или развојот на еден бизнис, на наше задоволство, ангажиравме шест експерти од најразлични полиња, луѓе чие искуство им овозможува да ги препознаат и веќе знаат како да се справат со најразличните ситуации и проблеми од секојдневието на еден претприемач. Гости експерти на оваа работилница се: Зоран Витанов (претприемач и креатор на лидери), Снежана Мојсовска Саламовска (маркетинг специјалист и професор на Економски Факултет Прилеп), Влатко Данилов (претприемач и финансиски експерт), Јасмина Антич-Атанасовски (претприемач), Маја Ристова (адвокат и претседател на Асоцијација на менаџери на Македонија), Дејан Алчев (пристап до финансии, претставник од НЛБ Банка). Работилницата ќе се одржи на 29.03.2018, во просториите на ЦЕФЕ Македонија, (Бул. Партизански Одреди 27/а/3) со почеток од 16:00 часот. Местата се ограничени, пријавете се на 078/201854, 070/542779 или info@cefe.mk

Општо

The team of CEFE Macedonia on field in North Kosovo

On 20.03.2018 and 21.03.2018, the team of CEFE Macedonia was in Kosovo, where they visited 28 businesses in the northern part of the country. These visits were realized within the project “Youth, Employment and Skills” of GIZ Kosovo, where CEFE Macedonia is engaged as a subcontractor organization. Namely, in January this year, as part of the project, two 5-day soft skills training courses in North Mitrovica were realized. At these trainings there were 50 participants, who later on the matchmaking event, met the businessmen who expressed a desire for hiring interns in their organizations. The practice will start on April 1, 2018 and will last until June 30, 2018, and for this period of three months, CEFE Macedonia has provided a 150 Euro monthly fee for each of the 50 interns.   The aim of the visit of these businesses in Zvecan, North Mitrovica, Leposavic and Zubin Potok was for concluding agreements with businesses and the 50 interns who will start practicing with them from the beginning of April. In addition, a secondary goal was to learn about the needs of the businesses and the problems they face in the north of Kosovo, but also to have a closer look at the business climate in this region.