Author name: CEFE

Вести

Потпишан Меморандум за соработка со СОСУ „Св. Кирил и Методиј“ – Охрид

На 6-ти декември 2024 година, ЦЕФЕ Македонија со гордост го официјализира своето партнерство со @СОСУ “Св. Кирил и Методиј”- Охрид преку потпишување на Меморандум за соработка. Честа да го потпише овој значаен документ ја имаше претседателот на ЦЕФЕ Македонија, г-дин Јован Сталевски. Оваа соработка ќе отвори нови можности за училиштето, обезбедувајќи пристап до бројни обуки, проекти, конференции и студиски посети, како во нашата земја, така и на меѓународно ниво. Со овој меморандум, ЦЕФЕ Македонија и СОСУ „Св. Кирил и Методиј“ се посветуваат на унапредување на искуственото учење преку иновативни пристапи, што ќе придонесе за личен и професионален развој на учениците и наставниот кадар. Заедно се стремиме кон градење на подобра иднина преку поттикнување на претприемачкиот дух и унапредување на образованието.

Вести

Претприемништвото се учи од најрана возраст

Изминатите три викенди, во просториите на ООУ „Јан Амос Коменски“ – Карпош, Скопје се одржаа работилници за бизнис и претприемачки вештини во рамки на иницијативата за Интензивни бизнис вештини што ја спроведува CEFE Macedonia – ЦЕФЕ Македонија. Учениците од ООУ „Јан Амос Коменски“ – Скопје, имаа уникатна можност да ги истражат основите на претприемништвото преку интерактивни искуствени вежби, кои им помогнаа не само да научат нови вештини, туку и да развијат самодоверба и креативност. Главниот акцент на работилниците беше искуственото учење – процес во кој учениците активно учествуваат, експериментираат и ги применуваат своите идеи. Задоволството на учесниците беше на високо ниво, што докажува дека децата учат најдобро преку практични активности. Работилниците ги водеше наставникот ментор и интернационален ЦЕФЕ обучувач Александра Блажевска, која со својата стручност создаде инспиративна и продуктивна атмосфера. ЦЕФЕ Македонија останува посветена на интеграција на претприемачките вештини од најрана возраст, помагајќи им на младите да ги подготват своите идеи за иднината.

Вести

Економска соработка помеѓу Франција и Македонија

Со големо задоволство ви ја споделуваме возбудливата вест за економската соработка помеѓу Франција и Македонија! Од ноември 2024 до февруари 2025, заедно со г. Јован Сталевски, претседател на ЦЕФЕ Македонија и експерт за обука за претприемништво, и г-ѓа Ламија Бенамар, посветен тренер за претприемачи и истражувач во областа на бихевиоралните науки, започнуваме инспиративна соработка преку програмата Erasmus for Young Entrepreneurs (EYE) Нашата соработка е синергија на сили: Крајниот резултат е програма за коучинг и обука на претприемачи која ќе се нуди на единствениот пазар на ЕУ и ширум светот. Она што ја прави оваа иницијатива навистина посебна е тоа што не се однесува само на професионален раст; станува збор за лична трансформација. Се работи за поврзување на луѓе од различни култури, усогласување на мисии и негување заеднички визии за претприемништвото како сила за позитивни промени. Заедно сме посветени на создавање средина за учење која ги поттикнува претприемачите, и веруваме дека можеме да направиме колективно влијание кое ќе одекнува далеку надвор од границите. Втемелено во заедничка визија за иновации и европско единство, ова партнерство е дизајнирано да ги оспособи претприемачите со вештини, алатки и самодоверба потребни за успешен пат во претприемништвото. Програмата Erasmus for Young Entrepreneurs, како дел од Single Market Programme (SMP) на Европската Унија, создава неверојатна можност за новите претприемачи да учат од искусни бизнис лидери во друга европска земја. Ова е повеќе од обична програма за размена—тоа е можност за проширување на хоризонтите, градење трајни мрежи и стекнување непроценливо, практично искуство.

Вести

Успешна подготовка на младите за претприемачки успеси

Во периодот од 04.11.2024 г. до 29.11.2024 г., во просториите на СОУ „Љупчо Сантов“ – Кочани, во рамките на меморандумот за соработка и иницијативата на ЦЕФЕ Македонија, се спроведоа обуки за „Интензивни бизнис вештини“ според ЦЕФЕ методологијата. Учесници во обуките беа 33 ученици од трета година економска струка, поделени во две паралелни групи, кои работеа по 4 дена интензивно развивајќи ги своите претприемнички компетенции потребни за основање и управување со бизнис. Обуките ги водеше Весна Ефремова, професорка по бизнис и претприемништво, која е сертифициран ЦЕФЕ обучувач за бизнис вештини. Учениците научија како да: Во следниот период, учениците под менторство на професорката ќе ги применуваат стекнатите знаења и вештини преку разработка на потенцијални бизнис-идеи. Овие идеи ќе им овозможат учество во следните активности организирани од ЦЕФЕ Македонија. Оваа обука претставува значаен чекор во развојот на практичните и претприемничките способности на учениците, кои ќе ги подготват за предизвиците на идниот пазар на трудот.

Вести

Учениците во Уганда сакаат искуствено учење и кога се на училиште

Од 19 до 22 ноември 2024 година, во Кабале, Уганда, се реализира уште една обука за бизнис вештини според познатата ЦЕФЕ методологија. Предводена од сертифицираниот ЦЕФЕ обучувач Џералд Аребахона, обуката овозможи 15 девојки и 2 момчина од стручното училиште „Ворк Уганда“ да ги усвојат основните претприемачки вештини и да развијат иновативни концепти за нивните бизнис идеи. Обуката се одвиваше во тренинг центарот на организацијата „Прауд Уганда“, во Кабале, благодарение на соработката меѓу организациите и училиштата. Учесниците го искажаа своето максимално задоволство преку дневни и финални оценки на обуката. А ова се дел од коментарите: „Методологијата беше доста забавна и научив многу за да размислам за свој бизнис“ „Начинот на работа беше толку различен од секојдневните предавања, и се прашувам зошто до сега не не учеле вака и во училиште“ Во текот на обуката, учесниците успешно ги поминаа модулите за бизнис идеја, поставување цели, маркетинг, производство, финансии и организација. Преку овие теми, тие стекнаа важни знаења и алатки кои ќе им помогнат во развивањето и управувањето со сопствените бизниси. Оваа обука е дел од пошироката иницијатива на ЦЕФЕ Македонија за промовирање на претприемачката култура во Уганда, со визија да се поттикнат младите на економски развој и одржлив напредок. Следните обуки се планирани за ноември и декември 2024 година, продолжувајќи ја мисијата за создавање можности и посветла иднина за младите во овој регион.

Вести

Обука за користење на дигитални алатки за 3Д дизајн

Во периодот од 04 до 08 ноември 2024 година, ЦЕФЕ Македонија, заедно со ученици од партнерските училишта, учествуваше во мобилноста во рамките на проектот ВИРТУАЛ (Јакнење на дуалното образование во туристичкиот сектор преку виртуелна и проширена реалност). Настанот се одржа во Перуџа, Италија, во просториите на ТУЦЕП, организацијата која го координира проектот. Повеќе информации за проектот можете да најдете на официјалната страница: https://www.virtual-erasmusproject.eu/. Целта на обуката беше запознавање на учесниците со алатки и отворени онлајн ресурси за 3Д моделирање и дизајн, како и примена на виртуелната и проширената технологија. Акцентот беше ставен на дигитализација и зачувување на културното и историското наследство, со што ќе се овозможат виртуелни туристички посети на различни локации. Оваа активност индиректно ќе придонесе за развој на туристичкиот сектор во нашата земја. Проектот ВИРТУАЛ има за цел да го подобри нивото на компетенции, вештини и потенцијалот за вработување кај учениците од стручното образование (ВЕТ секторот) преку нови и иновативни образовни програми од областа на туризмот (угостителство и ресторани). Специфично, проектот се фокусира на примена на иновативни технологии, како што се виртуелна реалност (VR), проширена реалност (AR) и симулатори, во ВЕТ институциите од Западен Балкан. Оваа иницијатива е дел од поширокиот концепт на Образование 4.0, кој ги интегрира современите технологии во образованието.