Во текот на април и мај, експертите и консултантите од ЦЕФЕ Македонија активно соработуваа со организации од областа на културата и креативните индустрии, овозможувајќи им пристап до уникатните можности што ги нуди програмата „Креативна Европа“ на Европската Унија. Со повеќе од 120 часа менторство и советодавни активности, ЦЕФЕ Македонија ги поддржа следните организации: Фрајдеј Комуникации ДООЕЛ, Здружение за културен и рурален развој „Орнамент“, Танцов колектив „Х2“ и ЦЕФЕ Треининг и Едукација ДООЕЛ, во креирањето и поднесувањето на шест предлог-проекти.
Проектите, кои аплицираат за финансиска поддршка од 200.000 до 1.000.000 евра, опфаќаат различни теми и области, како што се:
- Танцови претстави за подобрување на менталното здравје
- Музички настани и концерти со зелена агенда
- Производство на текстилни производи за одржлив развој
- Зачувување на традицијата преку изработка на дрвени играчки
- Уметнички изложби за подигнување на свеста за органодарителството
- Иновативни ВР/АИ претстави во театрите
Преку менторската поддршка, организациите добија конкретни придобивки:
- Поврзување со релевантни експерти и партнери од Европа и Македонија
- Техничка поддршка за управување со ЕУ порталите
- Трансформација на иновативни идеи во конкретни проектни предлози
- Користење на потенцијалот на вештачката интелигенција во процесот на креирање проектни предлози
- Јакнење на капацитетите и организациските вештини за развој на европски проекти
Програмата „Креативна Европа“ располага со годишен буџет од околу 56 милиони евра и е отворена за македонски организации кои имаат визија и капацитет за меѓународна соработка, продукција и промоција на дела наменети за европската публика.
ЦЕФЕ Македонија ги поканува сите заинтересирани организации и уметници да се обратат за менторска поддршка и советување при развојот и поднесувањето на нивните креативни идеи.
Контактирајте нè на info@cefe.mk или +389 78 437 267 и започнете ја вашата европска приказна со фондовите на Европската комисија!

