Во Македонија, тимот на проектот Family Matters – младински работници, експерти и истражувачи, се состанаа на 09.04.2026 за да направат рефлексија што до сега се случува и што ќе се прави во наредниот месец. Не како „експерти што знаат“, туку како луѓе што слушаат, учат и заедно создаваат.
На состанокот имаше искуства, дилеми, прашања…
– Како да работиш со млад кој не се отвора и се срами да зборува?
– Како да допреш до семејство што не разбира?
– Како да создадеш доверба таму каде што ја нема?
И токму тука започнува вистинската работа. Првите чекори веќе се направени. Во Охрид и Кочани, младите веќе ги доживеаа првите искуствени алатки од проектот. Некои беа тивки, некои скептични, но полека почнаа да зборуваат, да се отвораат, да се препознаваат себеси. И тоа е успехот.
Во следните месеци (април – октомври), младинските работници ќе реализираат околу 15 алатки. Но ова не се само „активности“. Ова ќе бидат места, простори, каде младите:
- ќе научат да се разберат себеси
- ќе ја зајакнат или изградат својата самодоверба
- ќе научат да комуницираат, не да се повлекуваат
- ќе се соочат со конфликти – и ќе научат да ги решаваат
- ќе ја развијат својата емоционална интелигенција
- и ќе почнат да го гледаат својот кариерен и личен пат – не како случајност, туку како избор
Но најважното, ќе почнат да ги разбираат своите семејства – и да бидат разбрани од нив. Затоа што зад секој млад човек стои приказна. А зад секоја приказна – семејство.
Family Matters не е само проект. Тоа е процес на доверба, разбирање и трансформација.







