На 19 април 2024 година, во просториите на Универзитетот за Информатички Науки и Технологии „Св Апостол Павле“ во Охрид ученици од средни стручни училишта од Естонија, Турција и Македонија, ги претставија своите бизнис идеи пред жири комисија и потенцијални инвеститори. Пичинг сесијата се одржа како дел интернационалната обука за 20 средношколци кои своите идеи ги развиваа во последните 5 месеци. Учесниците имаат претходни предзнаења во добивање на бизнис вештини, преку работилници според ЦЕФЕ методологијата во нивните земји и училиште, водени од нивните ментори – професори.
Бизнис идеите кои беа претставени од тимовите беа:
- Хаб електричен мотор за велосипеди
- Чоколадни бомбони кои го стимулираат мосокот на учениците
- Клупа која е сува после дожд,
- Етичко хакирање,
- Направа за податоци и комуникација со лица со попречености,
- Кафе бар за домашни миленици
- Иновативен модел на саксија за растенија
Тимовите беа менторирани од Мустафа Баха Бајрам, Мехмент Илкај Елмачи, Ирена Ралева Најдевска, Велентина Тодороска, Тиит Тул и Весна Ефремова. Жири комисијата беше составена од професори и експерти од областа на бизнис планирање: проф. Устијана Речкоска Шикоска, проф. Александар Карадимче, Јован Сталевски и Елена Гагачева.
Овој настан е во рамки на Еразмус + проектот „Зајакнување на претприемачките способности на практикантите во стручните училишта“, кој е поддржан од Турската агенција за европски мобилности. Главната цел на проектот е да придонесе со новитети во стручното образование во Турција, Македонија и Естонија преку јакнење на меките вештини и претприемачкте компетенции на практикантите преку обуки, работилници, размена на добри практики меѓу државите како и изработка на нови едукативни материјали.