На 14.01.2021 се одржа онлајн средба помеѓу партнерите од проектот “SE4Y – Социјално претприемништво за млади“ , на кој го довршивме првиот интелектуален производ „План за креирање на социјален бизнис“. Планот ќе биде објавен во месец февруари, 2021 год, и истиот ќе ги содржи следниве поглавја по кои ќе можеме да ве обучиме:
- Избери социјален проблем
- Истражи го проблемот
- Стекни глобално гледиште
- Разбери ги правните структури
- Изгради солиден бизнис план
- Истражи ги можностите за финансирање
- Побарај тековна помош од ментор
- Најми ги вистинските луѓе
- Изгради структура на компанијата
- Распространи се глобално
Планот за креирање на социјален бизнис, покрај на англиски , очекувајте го и на македонски јазик. Покрај овој документ, ќе бидете во можност да погледнете и видеа со анимации, табели и итн. Целта на планот е:
- Да го подобри квалитетот и нивото на образование во однос на социјалното претприемништво
- Да се демонстрира моќта на самовработувањето преку едноставни чекори
- Да им биде обезбеден на младите процесот да планираат, започнат,менаџираат и успешно раководат социјални претпријатија.
Проектот ”SE4Y – Социјално претприемништво за млади” е дел од Еразмус + програмата, КА205 – Стратешко партнерство за млади и истиот има за цел да ги надгради младите со конкретни компетенции и вештини за водење на социјални претпријатија.

