Author name: CEFE

Вести

Македонските семејни бизниси имаат потреба од стратегија и вештини за раст и развој

Претставниците на семејните бизниси во Македонија имаат потреба од совладување на алатки и механизми за разбирање и менаџирање на клучни прашања поврзани со семејниот бизнис, познавања и вештини за креирање и имплементација на реално остварлива стратегија за раст на семејниот бизнис, како и алатки и механизни за носење на одлуки со компромис. Ова се клучните сознанија од теренското и деск истражување  кое во периодот мај-јули 2017 година го спроведоа Националниот младински совет на Македонија  и ЦЕФЕ Македонија. Резултатите од истражувањето беа промовирани на 26 септември 2017, во просториите на ГЕМ Клуб во Скопје. “Најмногу од испитаниците или 85% се од втора генерација на наследници и најголемиот дел од нив изјавија дека им требаат вештини за деловна стратегија, ефективна комуникација и донесување на одлуки со консензус во врска со клучни прашања за семејниот бизнис. Истражувањето потврди дека околу 74% од бизнисите се мали и средни претпријатија а околу 3% се повеќе од 100 вработени. што ни кажува дека семејните бизниси најповеќе се од микро и мала големина” изјави Наташа Чавдаровска / дел од истражувачкиот тим. Покрај дискусијата од оваа средба произлезе и потребата за дефинирање на семејните бизниси во македонските закони, основање на тело кое што ќе работи на поддршка на семејните бизниси како и програми кои што ќе ги стимулираат семејните бизниси да се развиваат. Овој извештај е во рамки на меѓународниот проект ФАБУС кој е партнерство од девет организации од Грција, Португалија, Италија, Бугарија и Кипар. Во нашата држава го спроведуваат Национален младински совет на Македонија и ЦЕФЕ Македонија. Истражувањето е производ од првата фаза на проектот која подразбираше детектирање на наследници на семејните бизниси и истражување за нивните потреби при наследување на семејниот бизнис. Истражувачите опфатија семејни бизниси од осумте плански региони во земјава. Тие користеа прашалник кој што се користеше во сите земји партнери, а вршеа и теренски посети на бизисите, спроведоа телефонска и електронска комуникација со цел да се соберат информациите за потребите на проектот. На промоцијата беа присутни лица кои учествувале во самото истражување и други кои се дел од оваа категорија на бизниси и сакаа да се информираат за вклучување во натамошните активности од проектот. Покрај извештајот, беа промовирани и услугите кои што се креираат на база на истражувањето, како што се он-лајн платформа за учење, иновативни обуки наменети за претставниците од семејните бизниси за јакнење на вештини при преземањето на бизнисот од претходната генерација и негово развивање, стратегии за вмрежување и поврзување со цел проширување на пазарите.

Општо

National Report on Family Businesses

We present the research findings for: the ecosystem in which family businesses in Macedonia grow and develop; skills needs and upgrading the heirs of family businesses in Macedonia; The research was conducted in the period May-July 2017 by Natasha Chavdarovska and Simona Mladenovska, experts from CEFE Macedonia and the National Youth Council of Macedonia. All research activities are within the FABUS project https://www.fabuss-project.eu/, which is a 24 month youth ERASMUS + project aimed at helping young family-related businesses to be trained in efficient business succession . Its target group is comprised of people between the ages of 18 and 35 who want to take over the family business at some point in the future. These people with inheritance aspirations have the skills and knowledge to effectively develop their business through the implementation of innovative strategies, including expanding their markets through networking and collaboration with similar enterprises in other countries.

Ресурси

Национален извештај за фамилијарни бизниси

Ви ги претставуваме наодите од истражувањата за: екосистемот во кој што растат и се развиваат фамилијарните бизниси во Македонија; потребите од вештини и надоградување на наследниците на фамилијарни бизниси во Македонија; Истражувањата беа спроведени во периодот мај-јули 2017 година од Наташа Чавдаровска и Симона Младеновска, експерти истражувачки од ЦЕФЕ Македонија и Националниот младински совет на Македонија. Сите активности околу истражувањето се во рамки на проектот ФАБУС https://www.fabuss-project.eu/ кој што е 24 месечен младински ЕРАЗМУС+ проект кој се стреми да помогне на младите поврзани во семеен бизнис да се оспособат за ефикасно наследување на бизнисот. Неговата целна група ја сочинуваат лица на возраст помеѓу 18 и 35 години кои сакаат да го преземат семејниот бизнис во извесен момент во иднината. Овие лица со аспирации за наследување имаат потеба од вештини и знаења за ефикасно развивање на бизнисот преку имплементирање на иновативни стратегии, вклучително и проширување на нивните пазари преку вмрежување и соработка со слични претпријатија во други земји.

Вести

Бизнис Академија за Млади 2017-2018 повик за учество

Дали сакате искуство во подготвка и водење на проект, да се развивате професионално и да се забавувате во исто време? Е па, добредојдовте во Бизнис Академијата за Млади на ЦЕФЕ Македонија, која што ќе трае од октомври 2017 до јуни 2018 година. Овде, ќе се вмрежите со луѓе од бизнис светот и ќе запознаете пријатели за цел живот. Бизнис Академијата за Млади е свежа иницијатива, но поткована со многу бизнис искуство во позадина, која што има за цел да подготви 20 млади луѓе од Македонија да станат самоуверени и вистински претприемачи.  Целта на бизнис академијата е да се понуди претприемачка програма којашто ќе функционира на европско ниво и ќе го олесни личниот и професионалниот развој на претприемачките способности кај 60 млади (20 од Романија, 20 од Македонија и 20 од Грција). Во текот на целогодишната програма ќе имате можност да: генерирате бизнис идеи, спроведувате истражување и анализа на пазарот, подготвите и пишувате бизнис план, направите интернационално искуство, претставите пред инвеститори и основате своја бизнис организација. Оваа можност ви ја нудиме во рамки на проектот “Претприемачко знаење кај младите”, кој што е поддржан од страна на Европската Унија преку Еразмус + програмата. Организаторот, ЦЕФЕ Македонија и нашите Грчки и Романски партнери, ќе изберат 20 млади кои ќе учествуваат во проектот и во целокупната академија. Опис на обуката Октомври 2017 – Ноември 2017 Во првиот дел од Академијата секој ќе се претстави кој е и колку претприемништвото му е битно за личен и рпофесионален развој. Студентите ќе се стекнат со знаење како да станат успешни претприемачи. Во процесот на учење исто така ќе имаат шанса да се соочат со предизвиците и препреките, запознавање на пазарот вклучувајќи: истражување на пазарот, пазарни инструменти, чекори на креирање на бизнис, креирање на бизнис модели на успешни бизниси итн. Обука во Романија  5-11 Декември 2017 Седум дена во Романија студентите ќе поминат на трошок на ЦЕФЕ Македонија. На обуката студентите ќе имаат можност да се претстават пред инвеститори и да разменат искуства со колегите од Романија. Оваа обука главно ќе биде ориентирана кон важноста од Социјалното претприемништво како одговор на потребите на пазарот во Европа. Ќе се симулираат социјални бизниси. Јануари – Јуни 2018 Последниот дел од обуката на Бизнис Академијата за млади ќе се развиваат бизнис идеите и оперативниот план ќе прејде во акција. Ќе се разгледуваат идеите ќе се истражува пазарот и испитува перцепцијата на потрошувашите/клиентите. Ќе се изведуваат симулации за стартап бизниси и обработуваат теми за раководење и менаџирање на бизнисот. Секој поединец (Студент) ќе симулира со експерт задолжен за стартап бизнис – како да вработи луѓе, како да обезбеди набавки за отпочнување на бизнисот, дистрибуција, акции, продажба како и креирање и задржување на постојани клиенти. Процесот ќе опфати и начини на изнаоѓање на финансиски средства за работење, интеракција со банки и кредити за финансирање бизниси . Профил на учесниците: – 10 млади помеѓу 17-30 години. – 10 млади, помеѓу 17-30 години со помали можности – кои се соочуваат со економски пречки (низок животен стандард, зависни од социјална помош и заштита, невработени на подолго време, сиромаштија, млади-бездомници, долг или финансиски проблеми). Критериуми за селекција – Вработен/невработен/студент (факултет или средно школо) – Да има желба и да планира да стане претприемач – Да припаѓа на профилот опишан погоре – Да поседува желба за личен и професионален развој – Да се користи со стекнатите/развиените способности после проектот преку продолжување на истиот – Почит на начелото за еднакви шанси – нема да има никаква дискриминација во одност на религија, пол, потекло, националност, верувања или вредности, сексуална ориентација, инвалидитет. Академијата ќе ја водат искусни претприемачи, обучувачи и експерти од областа на бизнисот, јавноста и образованието, со цел да овозможиме реализација на вашите бизнис-планови и идеи од релевантни лица. Бизнис Академијата за Млади, дополнително ќе понуди материјали во пишана и електронска форма, модели на бизнис планови, ИТ решенија за водење и планирање на бизнис, отворени курсеви на интернет и бизнис-списанија … се со цел да ви помогне да ги развивете своите идеи и да ви служат во практичната реализација. Истотака, во декември 2017, ќе имате шанса да патувате 7 дена во Романија, Трансилванија, за да учите и да симулирате социјални бизниси во мултикултурна средина,како и да се претставите пред инвеститори. Се тоа на трошок на организаторот  Во рамки на Академијата ќе можете да ги препознаете и развивате своите аспирации и професионални цели како и да научите за претприемачката политика (кои фондови и можности стојат на располагање на претприемачите) на Европско и локално ниво и како да ги искористите придобивките од овие политики за да станете претприемачи. Од слично искуство на ваква академија во Романија, повеќето од учесниците кажаа дека разбрале кои способности треба да ги развијат за да продолжат со личниот и професионален развој. Работилниците ќе се одржуваат во лесно достапни и професионално опремени простории за обука на ЦЕФЕ Македонија во Скопје на Бул. Партизански Одреди 27/А/3. За да бидете селектирани, треба да бидете вклучени во сите активности на академијата: Учество на 15 работилници (еднодневни или полудневни), во период Октомври– Декември 2017: Учество на обука за бизнис планирање и претставување пред инвеститори во Романија – Трансилванија во почетокот на декември (7 дена); Учество на 15 работилници во период Јануари – Јуни 2018. Што добивам на крај од академијата? Две дипломи, признати и верифицирани од ЦЕФЕ Македонија (Една скината на половина, за да те потсеќа дека е само парче хартија и важно е што компетенции имаш. И друга, урамена, за да се пофалиш пред тие што сакаш и да те потсеќа на едно незаборавно искуство). За да се пријавите за учество Ве молиме пополнете ја електронски апликацијата.  Сите податоци од вашата апликација ќе се третираат како строго доверливи и заштитени од ЦЕФЕ Македонија. Единствено ќе се споделат со органзиацијата партнер од Романија и Романската Национална Агенција за европски образовни програми и мобилност, кои се јавуваат како донатори. Рок на пријавување: 12 Октомври 2017 За сите дополнителни информации ве охрабруваме да не контактирате на 078 201 854 или  cefemacedonia@gmail.com Ве очекуваме! Тимот на ЦЕФЕ Македонија Ве очекуваме да се инспирираме, развиваме и направиме нешто добро за нас и нашите сакани!

Општо

Social Business Training in Poland

In a beautiful and dynamic environment like the city of Torun- the native town of Nikola Copernicus, from 29 June to 9 July 2017, three participants from CEFE Macedonia, had the opportunity to experience a very interesting and highly educative training “Social Business”. Kristijan, Sonja and Aleksandra were representatives of the non-governmental organization CEFE Macedonia and were hosted by the Polish Foundation “Dobry Rozvoj ” which was actually the organizer of this training and coordinator od the whole project. This training was of particular interest to participants, the  youngsters,  primarily because of the topic “Social Entrepreneurship” which is scarce in our country and there is no adequate basis upon which it can be developed, but we are especially happy that in Poland we met excellent intellectuals, lecturers and people who kept our focus and managed to encourage us to think about raising the awareness of social inclusion in the Republic of Macedonia. The trainings were conducted in four modules each day and included creative workshops, lectures by experts, visiting social enterprises, sharing experiences with representatives from other countries and developing legal possibilities. The final product and the ultimate goal of the training was creating methods and tools that will help us to implement all our knowledge in the future in order to raise the awareness of social entrepreneurship in our country.

Вести

Обука за социјално претриемништво во Полска

Уште една успешен проект за промоција на претприемништвото се одвива периодов со партнерите “Добри Развој” од Полска и уште 6 Европски земји. Во месец Јули 2017 година, тројца учесници од ЦЕФЕ Македонија учествуваа на меѓународен тренинг курс во Торин, Полска. Ова се впечатоците на Кристијан, Соња и Александра од 10 дневната обука: “Во една прекрасна и динамична околина како Торун–родениот град на Никола Коперник, од 29ти Јуни до 9ти Јули 2017 година, имавме можност да искусиме еден доста забавен и високо едукативен тренинг како представници од невладината организација ЦЕФЕ Македонија  во соработка со Полската фондација “Dobry Rozvoj” која беше организатор на истата. Овој тренинг беше од особен интерес за нас младите, пред се поради темата “ Социјално претприемништво” кое во нашата држава е оскудно и не постои адекватна основа да биде развиено , но сме особено среќни што токму во Полска сретнавме извонредни интелектуалци, предавачи и луѓе кои го задржаа нашиот фокус и успеаа да не поттикнат да размислуваме за подигнување на свеста за социјална инклузија во Република Македонија. Тренинзите се одвиваа во четири модули секој ден и вклучуваа креативни работнилници, предавања од стручњаци, посета на социјални претпријатија, споделувања искуства со представници од другите земји и разработка на законските можности. Финалниот продукт  и крајната цел на тренингот беше креирање методи и алатки кои ќе ни помогнат да го имплементираме целото наше знаење во иднина во насока да подигнување на свеста за социјално претприемништво во нашата земја.” Фотографии може да погледнете на http://bit.ly/TourinPolandTC