Author name: CEFE

Општо

ЦЕФЕ Македонија и PONT заедно за одржлив развој и зајакнување на граѓанските организации

ЦЕФЕ Македонија започна соработка со Prespa Ohrid Nature Trust (PONT) – фондација која поддржува долгорочна заштита на природата и одржлив развој во регионот на Преспа и Охрид. Соработката е долгорочна и ќе се одвива од септември 2025 до септември 2028 година.  Во рамките на ова партнерство, ЦЕФЕ Македонија соработува со експерти за организациски развој од Македонија и Албанија и организации кои се грантисти на ПОНТ: Црвен Крст Охрид, Македонско Еколошко Друштво, Еко Свест и ЦНВП Македонија. Дел од активностите се спроведување на анализа на капацитетите, предизвиците и потенцијалите на организациите кои работат во областа на заштита на животната средина, локалниот развој и одржливото управување со природните ресурси. Целта на оваа соработка е да се придонесе кон јакнење на лидерството, управувањето и ефективноста на граѓанските организации, како и да се поддржи нивната улога во развојот на локалните заедници и во постигнување на целите на одржлив развој. Со ЦЕФЕ методологијата, позната по своето искуствено учење и практичен пристап кон развој на претприемачки и лидерски компетенции, ќе се подготват насоки и препораки за подобрување на организациските капацитети и можностите за соработка меѓу сите засегнати страни. Оваа иницијатива претставува важен чекор кон создавање поотпорни, поинклузивни и посилно поврзани организации кои ќе придонесуваат за подобра иднина на Преспанскиот регион.

Вести

ИНТЕНЗИВНА ОБУКА ЗА ПРЕТПРИЕМНИШТВО ЗА МЛАДИ

13 – 14 декември 2025 Дводневна интензивна обука за претприемништво за млади, која ќе ве лансира во стартап водите.Претприемништвото е сет на вештини кои можат да се научат, а ЦЕФЕ Македонија повеќе од 20 години успешно го прави тоа во Македонија но и надвор низ светот. Нашата методологија и филозофија е толку забавна што ни една минута нема да се почувствувате дека учите – ќе се забавувате!  Без разлика дали имаш бизнис идеја или не. За да започнеш да се градиш како претприемач потребна ти е само одлука! А оваа обука е првиот чекор!Секоја идеја може да вреди милиони – она што ги издвојува успешните бизниси е инвестицијата која претприемачите ја прават во себе и своите вештини!Инвестирај во себе! За подоцна да инвестираат во твојот бизнис! Цели на обуката: Кога: 13 и 14 декември 2025 / 09:00 – 18:00 часотКаде:  Скопје, локацијата ќе биде објавена наскоро За кого е наменета: Програма: Методологија Начинот на работа се заснова на интерактивна обука, односно искуствено учење преку ЦЕФЕ Методологијата. Примената на симулации, бизнис игри и студии на случаи ќе им даде на учесниците можност да ги развијат своите бизнис вештини. Исто така ќе се користат примери од вашите бизнис средини, со што ќе се осигура дека ќе биде применливо за вашите потреби. Обучувачи: Зоран Витанов – CEFE мастер обучувач и советник. Еден од основачите на ЦЕФЕ Македонија во далечната 1997 година. Приближно 30 години лично претприемачко искуство. Експерт во областа на финансиски менаџмент, стратешки бизнис развој, мрежен маркетинг и продажба. Со исклучителни менторски способности кои креираат лидери и претприемачи во Македонија и странство. Реализирани преку 3000 настани и обуки за претприемчи и менаџери од Балканот, Европа и остатокот од светот. Елена Гагачева – ЦЕФЕ обучувач со повеќе од 10 години искуство во тренинзи за претприемништво, бизнис вештини и финансиска писменост. Како креатор на едукативни програми, има водено бројни тренинзи за млади и возрасни, помагајќи им да ги развијат своите идеи во реални проекти. Има богато искуство како проектен координатор на интернационални проекти и бројни тренинзи во Македонија и Европа. Дополнително, таа е маркетинг специјалист со практично искуство од индустријата. Дополнителни добивки од обуката: Пријавете се во 3 чекор:  ЦЕФЕ Едукација и Тренинг210-0749054201-96НЛБ Банка АД СкопјеЦел на дознака: ИМЕ ПРЕЗИМЕ (на учесник) 01 БВ За повеќе информации јави се на:Елена Гагачева075 257 075elena.g@cefe.mk

Вести

Започна проектот Family Matters – првиот партнерски состанок се одржа во Скопје

Во периодот од 28 до 30 септември 2025 година, во хотелот Бест Вестерн во Скопје се одржа првиот состанок на партнерите во рамките на проектот „Family Matters“, кој ЦЕФЕ Македонија го реализира заедно со организации од Естонија, Италија, Турција и Малта. На состанокот беа разгледани главните насоки за управување со проектот, планирањето на активностите и координацијата на истражувачкиот процес, кој е првата фаза од проектот. Тимовите од секоја земја моментално работат на истражување на добри практики, научни трудови и методологии што ја поврзуваат семејната поддршка со младинската работа. Проектот „Family Matters“ (2025–2027) има за цел да го подобри квалитетот на младинската работа преку адаптација на пристапи и алатки од фамилијарната терапија, кои ќе им помогнат на младинските работници подобро да ги препознаат ризичните фактори што потекнуваат од семејната средина и да ги активираат ресурсите за поддршка на младите во нивните едукативни патишта и кариери. Следниот настан во рамките на проектот ќе биде методолошкиот семинар за заеднички развој на програмата и услугите, кој ќе се одржи повторно во Битола, Македонија, во периодот од 1 до 7 декември 2025 година. На овој настан партнерите ќе соработуваат на развој на практични алатки и методи кои младинските работници ќе ги користат во својата секојдневна работа со младите. Проектот „Family Matters“ се реализира во рамки на програмата Erasmus+, со вкупно времетраење од 18 месеци и е координиран од партнерите од Естонија.

Вести

Искуство што менува животи! Стани ЕВС волонтер во Естонија!

Организацијата AEYC – Асоцијација на отворени младински центри во Естонија и ЦЕФЕ Македонија, бараат млади (18–30 години) кои сакаат да волонтираат во локални младински центри и да придонесат во работата со млади луѓе низ различни градови во Естонија.  Причитајте повеќе за какво искуство ве очекува на https://drive.google.com/file/d/13IUsJqNQ-KeYI-VDVKwYqaBcHwjhUSs2/view?usp=sharing  Проектите се долгорочни (6–12 месеци) и започнуваат наскоро! Пријави се до 15 ти ноември 2025 преку формуларот: https://forms.gle/4bwzgx9R5QFDZQ4t9  За дополнителна инспирација прочитајте ја приказната на Сандра и Аце, како беше нивното волонтерско искуство во Естонија https://cefe.mk/%d0%ba%d0%b0%d0%ba%d0%b2%d0%be-%d0%b5-%d1%87%d1%83%d0%b2%d1%81%d1%82%d0%b2%d0%be%d1%82%d0%be-%d0%b4%d0%b0-%d1%81%d0%b5-%d0%bf%d1%80%d0%b5%d1%81%d0%b5%d0%bb%d0%b8%d1%88-%d0%b2%d0%be-%d1%81%d0%be%d1%81/

Вести

ХАЈП Академија – Млади претприемачи со иновативни бизнис идеи

Во периодот од 25 до 27 септември 2025 година, во Универзитетот „Гоце Делчев“ – Штип се одржа ХАЈП академијата за млади претприемачи, на која учествуваа 35 млади луѓе со иновативни идеи и голем претприемачки дух. Преку динамична програма базирана на ЦЕФЕ методологијата, учесниците поминаа низ сите главни чекори потребни за развој на една бизнис идеја: од дефинирање на личната претприемачка мотивација, преку градење и анализа на самата идеја, поставување SMART цели и истражување на пазарот, до маркетинг стратегии, операции, финансиски предвидувања и финална презентација пред жири комисија и потенцијални финансиери. Младите имаа можност да учат преку практични вежби: креирање и продажба на производи, работа во тимови, справување со предизвици, како и менаџирање на трошоци и приходи. Целта беше да се усовршат нивните увидувања во реалните процеси на водење бизнис и да изградат вештини кои ќе им служат и во иднина. На завршната сесија, беа претставени 8 бизнис идеи што оставија силен впечаток врз жирито и поттикнаа многу прашања и сугестии. Ова претставуваше голем чекор за младите претприемачи кои го започнуваат својот пат кон градење одржливи и успешни бизниси. Обуката беше реализирана од страна на обучувачите и менторите на ЦЕФЕ Македонија – Јован Сталевски, Маја Дафкова и Весна Ефремова – во соработка со организаторите од American Corner Штип предводени од Благој Трајков и неговиот тим од повеќе организации. Настанот имаше силна поддршка од Амбасадата на САД во Северна Македонија, а во жирито учествуваа Игор Мишевски, Габриела Ставреска Богојевска, Мартин Костадиновски и Силвија Гелевски. Најголема благодарност упатуваме и до родителите и наставниците, кои секојдневно стојат зад овие млади луѓе и ги охрабруваат на нивниот кариерален и животен пат. ХАЈП Академијата уште еднаш покажа дека младите во Македонија се полни со идеи, енергија и визија за иднината – а нашата мисија во ЦЕФЕ Македонија е да ја поттикнеме нивната креативност и да им помогнеме да станат идните лидери и претприемачи на нашата заедница.

Вести

ЦЕФЕ Македонија ги унапредува капацитетите за проектно пишување со поддршка од AI

Во периодот од 18 до 22 август 2025 година, еден од обучувачите на ЦЕФЕ Македонија учествуваше на специјализирана обука за користење на алатката MILES – напредна платформа базирана на вештачка интелигенција, која овозможува структуриран пристап при подготовка на проектни апликации за програмите Erasmus+ и Horizon Europe. Обуката беше насочена кон практична примена на алатката MILES, која ги води корисниците низ сите фази на проектен развој – од дефинирање на проблем и цели, до активности, резултати и очекувани влијанија. Целта е да се олесни процесот на подготовка на квалитетни и конкурентни апликации, усогласени со критериумите на европските повици. Оваа активност е дел од стратегијата на ЦЕФЕ Македонија за постојано јакнење на професионалните вештини, примената на иновативни алатки и проширување на можностите за ефективно учество во европските програми.