Од 05.12 до 12.12.2017, во Брашов, Романија беа одржани едукации за Социјално Претприемништво, како дел од проектот Претприемничка Едукација за Млади од Еразмус+ програмата за креирање и развој на млади претприемачи, во соработка со Sprijin si Dezvoltare од Романија и Inercia Digital од Шпанија.
ЦЕФЕ Македонија зеде учество со група од 20 идни млади претприемачи, кои заедно со групите од Шпанија и Романија (вкупно 60 учесници) беа поделени во неколку мешовити групи чие задолжение беше да развијат бизнис идеја која ќе ги вклучи загрозените социјални групи. По развојот на идеите и изготвувањето на бизнис плановите, групите беа задолжени да ги реализираат истите преку симулирана продажба/промоција во локалниот Трговски Центар.
Сите учесници се вратија збогатени со нови искуства и пријателства, но пред се со нови знаења и идеи кои би можеле да ги имплементираат во сопствените земји, каде преку развој на сопствен бизнис би им помогнале на социјално загрозените групи.

