Author name: CEFE

Вести

Иновативноста и претприемништвото се клучни за секој бизнис

ЦЕФЕ Македонија и Ино Тех Клуб потпишаа Mеморандум за соработка. Целта на документот е преку взаемна соработка двете организации да иницираат активности кои ќе поттикнуваат претприемнички иницијативи во земјава, како и интерeс за наука, технологија и иновации. Зголемување на свесноста за значењето на науката, технологијата и иновациите е целта која сака да ја постигне InnoTech Club, која е платформа поддржана од Владата на САД, преку Alumni Innovation Engagement. Основната мисија на InnoTech Club е презентирање пред младите на важноста на науката, технологијата и иновациите како клучни фактори за идниот економски раст и развој на земјата. Целта на InnoTech Club е да ги инспирира младите, заради што во текот на следните месеци ќе организираме Inno Cafe настани, во Скопје, Тетово, Битола и Штип и други градови. На овие настани младите ќе се мотивираат и поврзуваат преку дружење и презентации на иновативни, научни и технолошки успешни проекти кои ги прават поединци или компании и институции во нашата земја. Сметаме дека е вистинско време за вакви активности особено ако се земе предвид фактот дека имаме негативен тренд на индустријализација. Учеството на индустријата во БДП падна од 32% во 1992 г. на 15% во 2016 г. што негативно се одразува врз целата економија“, вели Игор Јорданов, универзитетски професор и лидер на InnoTech Club платформата. Од друга страна се соочуваме со неколку клучни проблеми за тој економски раст, а еден од нив е ниското ниво на претприемачки вештини и култура кај населението. ЦЕФЕ Македонија веќе активно работи на креирање на економии засновани на компетентност, преку проектот „Креирање на регионални центри за претприемништво во Источна Македонија“ поддржан од Амбасадата на САД во Македонија. Проектот има за цел да развива компетенции кај потенцијални и постоечки претприемачи кои ќе креираат нова вредност во нашата држава. Токму овој меморандум е доказ за заедничката мисија на двете организации, а преку него и полесно имплементирање на целите и активностите кои се од клучно значење за нашата економија и младите. “Претприемачите иновираат. Тие ја согледуваат секоја промена како можност за различен бизнис или како различна услуга базирана на нешто иновативно. Земете ја како пример ситуацијата на изолираност заради корона вирусот во светот. Претприемчивите луѓе веднаш понудија нови услуги на пазарот. Пример: промотивни пакети од доставувачите на храна до дома, онлајн едукативни содржини, зголемена понуда на книги и серии за домашна забава, комични дизајни и слично. Важноста на овој меморандум за нас е голема пред сè бидејќи со InnoTech Club начнавме нов почеток на заеднички активности со цел подигање на претприемачкиот дух и свесноста за иновациите кај младите.” – изјави Јован Сталевски, претседател на ЦЕФЕ Македонија. За сите заинтересирани за активностите ве покануваме да ги следите нашите веб страни и социјални медиуми и да се видиме на некоја од обуките за бизнис вештини во Источна Македонија http://bit.ly/2W4pcKx

Вести

Претприемништвото ги поврза Економскиот факултет од Штип и ЦЕФЕ Македонија

На 25 февруари 2020 година, ЦЕФЕ Македонија потпиша меморандум за соработка со Економскиот факултет при Универзитетот “Гоце Делчев” во Штип. Целта на документот е взаемна соработка во остварувањето на визијата за креирање на локални и регионални економии засновани на компетенции и водени од претприемчиви личности. Овој меморандум се потпишува во рамките на проектот “Креирање на регионални центри за претприемништво во Источна Македонија”, а начелната соработка меѓу претставниците од двете институции започна на обука за обучувачи по претприемништво, која се одржа во февруари 2020 во Штип. Како што изјави деканката на Економскиот факултет, Проф. Д-р Оливера Ѓоргиева-Трајковска, овој меморандум ќе претставува рамка во која се дефинирани сите активности за соработката која ќе се заснова на искористување на научниот потенцијал, истражувачките, просторните капацитети на двете страни во насока на унапредување на едукативните и научните проекти. Периодот кој што ни следува ќе го искористиме за организрање на обуки за претприемништво преку кои ќе го зголемиме претприемачкиот дух и претприемничките вештини кај студентите. Се надеваме дека токму преку овие активности ќе дадеме придонес на претприемништвото во Источна Македонија – изјави деканката на Економскиот факултет, Проф. Д-р Оливера Ѓоргиева-Трајковска. Многу е важно дека ние се најдовме на иста фреквенција со професорите од факултетот за тоа што сакаме да го дадеме како вредност на студентите. Тоа е еден искуствен начин на работа, но и една култура на претприемништво. Ние ќе им помогнеме да гледаат можности и тие можности да ги претворат во вредност за општеството – изјави претседателот на ЦЕФЕ Македонија Јован Сталевски. Сакаме да изразиме уште еднаш голема благодарност до Американската Амбасада во Скопје што ја препозна нашата идеја и визија и финансиски ја помогна оваа соработка која што произлезе од проектот “Креирање на регионални центри за претприемништво во Источна Македонија”. Преку овој проект ќе креираме нови ЦЕФЕ центри во Штип и во Струмица со кои студентите ќе имаат можност да соработуваат во развој на нивните идеи.

Вести

ИЗВЕСТУВАЊЕ: Активностите за обуките во Источна Македонија во наредните 14 дена се одложуваат

Согласно препораките кои што беа дадени од страна на Владата на Македонија поради новонастаната ситуација со корона вирусот, Ве известуваме дека активностите кои беа предвидени за обуките за претприемништво и бизнис планирање во Источна Македонија во наредните 14 дена се одложуваат. ЦЕФЕ Македонија ќе ја следи ситуацијата и ќе бидете дополнително информирани за понатамошните актинвости.

Вести

ЦЕФЕ Македонија дел од обуката за ментори за социјално претприемништво во Солун

Од 11ти до 16ти февруари во Солун, Грција се одвиваше третата обука за ментори за социјално претприемништво со наслов “Ефективно Менторство“. Учесници се 24 ментори за социјално претприемништво од шест земји меѓу кои беа претставници од ЦЕФЕ Македонија (Маријана Андриќ, Александар Милошевски, Славица Јовческа и Марија Чакулевска). Обуката е дел од проектот „Start it UP, Keep it UP“ поддржан од Erasmus+ програмата на Европската Комисија, Националниот совет на младински организации на Република Азербејџан и партнери од Грција, Хрватска, Бугарија како и ЦЕФЕ Македонија. За време на обуката, во текот на панел дискусијата беа споделени искуства со менторите од секоја земја и предлози за поефикасен процес на менторство. На последниот ден од обуката, учесниците имаа можност да посетат неколку одржливи социјални бизниси во Солун и го дознаа нивното искуство. Азербејџанскиот претставник Иса Зејнал рече: „Во светската практика, социјалните бизниси делуваат како природно решение за социјалните проблеми во заедницата. Совладувањето на ваквите практики во различни земји ќе има влијание врз развојот на социјалното претприемништво кај нас“. Како дел од следната и последната фаза на проектот, учесниците ќе учествуваат на Меѓународниот форум за социјално претприемништво во Баку на 5-10 април 2020 година.

Вести

Повик за учество на обуки за бизнис вештини во Источна Македонија

ВАЖНО: Ви благодариме на интересот што го имате за нашите обуки во Источна Македонија, но Ве известуваме дека поради настанатата ситуација со коронавирусот дека обуките ќе се одржат во планираните градови, но кога ќе се тргнат препораките од Владата на Република Македонија! ЦЕФЕ Македонија во рамки на проектот “Креирање на центри за претприемништво во Источна Македонија” ве поканува на уникатни обуки за претприемништво и бизнис планирање. Главната цел на овие обуки е да ви даде знаења и вештини за бизнис активностите како и подигање на свеста на кандидатите за можностите кои ги нуди започнувањето самостоен бизнис. За кого е оваа обука? За сите млади потенцијални и постоечки претприемачи (за да ги надоградат своите бизнис перформанси), вработени во организации кои го помагаат претприемништвото (за да можат да ги разбираат потребите на прпетприемачите и да овозможуваат подобра околина за нив), едукатори, креирачи на политики, родители, вработени, студенти, средношколци, невработени, како и лица со помалку можности! На обуката по претприемништво, ќе се усовршуваат вештини од генерирање и селекција на идеи, преку организација, маркетинг, истражување на пазарот, финансирање, се до креирање на нацрт бизнис идеја. Обуките ќе се одржуваат по светски познатата ЦЕФЕ методологија, која што веќе 30 години покажува дека праксата е најдобриот учител за стекнување бизнис компетенции. Оваа метода содржи вежби кои се интерактивни и практични, како и симулации на реални ситуации кои ги ставаат учесниците во чевлите на еден претприемач или тим и даваат дополнителна вредност на целокупното стекнато знаење. Теми кои ќе се разработат на обуката се: Лични претприемачки карактеристики Генерирање и селекција на идеи Поставување на цели и менаџирање на околина Организација и производство Маркетинг и истражување на пазар Финансиски менаџмент Бизнис планирање После оваа обука вие ќе бидете способни да: Го препознаете својот претприемачки капацитет; Воспоставите мрежа на бизнис контакти; Ги разберете клучните структури и принципи на претприемачкото планирање; Ги разбирете основните принципи на фнкционирање на пазарната економија; Знаете како да го проценувате вашиот удел на пазарот; Го препознаете влијанието на окружувањето врз вашата работа; Сте свесни за слабите и јаките страни на својата бизнис идеја и конкуренцијата; Ги пресметате основните средства; Изготвите биланс на состојба; Постигнете подобри резултати во водењето на компанијата, користејќи инструменти за финансиска анализа и планирање. Производи кои ќе ги понесете од оваа обука се: Рафинирана бизнис идеја која одговара на личноста Изработена СВОТ анализа Студија од пазарот Нацрт финансиски план Нацрт бизнис идеја Обуката е дизајнирана да се реализира во три дена, а целите ќе се постигнат во неколку сесии составени од практични и интерактивни вежби, дискусии, истражувања, фидбек сесии, работа на терен, работа во мали групи и минимум теоретско предавање. Кој ќе не обучува?  Обуките ќе ги водат обучувачи по претприемништво, обучени од ЦЕФЕ Македонија. КОГА ќе се одржуваат?  Март – април – мај 2020 година. КАДЕ? Локација Време на реализација Место на реализација Свети Николе 14/20/21 Март   Градска библиотека „Гоце Делчев“ Штип 22/28/29 Март Гимназија „Славчо Стојменски“ Кочани 27/28/29/30 Март Средно економско училиште „Љупчо Сантов“ -Кочани Гевгелија 27/28/29 Март   Пионерски дом Струмица 3/4/5 Април Сала на Совет во Дом на АРМ Штип Април Економски факултет при УГД-Штип Штип   Мај ПСУ САБА-Штип ВАЖНО: Местата се ограничени на 25 учесници. Што добивам дополнително? Секој кој што успешно ќе ја заврши обуката (активно присуство на најмалку 80% од обуката) се стекнува со сертификат издаден од ЦЕФЕ Македонија и потпишан од обучувачите; Материјали во печатена и електронска форма; Листа на контакти за ваше идно вмрежување и соработка; Освежување, кафе и храна за време на обуката; Што треба да инвестирам за себе? Време, посветеност, активно учество. Како да се пријавам? Пријавете се со пополнување на електронската пријава со цел на дознака „Обука за бизнис вештини во ——–“ до 09 март 2020 година. Контактите на организаторот на настанот од ЦЕФЕ Македонија: Благој Трајков 071/324-959, blagoj.t@cefe.mk, * – Во случај на поголем број пријавени кандидати ЦЕФЕ Македонија го применува принципот „first come – first served“ (во случајот: прв пријавен – прв услужен). – Нецелосните пријави ќе се разгледуваат последни. – Организаторите го задржуваат правото на промени на датумите или локацијата со најава на учесниците. – Организаторите го задржуваат правото на комбинирање на групите заради хомогеност или хетерогеност, во зависнот од целите на обуките.  Погледнете дел од атмосферата на претходни ЦЕФЕ обуки: https://www.facebook.com/media/set/?set=a.1021800674532646.1073741851.669733173072733&type=3 https://www.facebook.com/media/set/?set=a.10150177029842465.265390.62185562464&type=3 https://www.facebook.com/media/set/?set=a.149198888596348.1073741832.106437769539127&type=3 https://www.youtube.com/watch?v=k6jbQzoydsk

Вести

Интернационален форум за социјални претприемачи во Баку

Во периодот од 06 до 09 април 2020 година, во Баку Азербејџан ќе се случи Интернационалниот форум за млади социјални претприемачи од Азербејџан, Турција, Хрватска, Бугарија, Македонија и Грција. Овој проект е ориентиран кон решавање на социјалните проблеми со кои се соочуваат заедниците во Европа. Повеќе информации можете да прочитате во текстот подолу, а бидејќи станува збор за интернационален проект, ви го споделуваме текстот во оргиналната верзија. Young Social Entrepreneurs from Azerbaijan, Turkey, Croatia, Bulgaria, Macedonia and Greece which will take place in Baku, Azerbaijan 6-9 April 2020! This project is oriented to the solution of social problems of communities in Europe, where young people can bring a change through social-oriented start-ups, by equipping youth organizations with necessary capacity in order to provide young people with consulting and training on social entrepreneurship. The focus of the project is not limited to make a difference in social complications in Europe but also encourage young people to become the main actors of the change and provide educational tools along with resources in order to bring it to their community. Besides, it will also create a network of young social entrepreneurs where the progress will continue working to make a positive impact on social pressure. International Social Entrepreneurship Forum has main three goals: To develop the capacity of young entrepreneurs by equipping them with the skills, knowledge, competencies and tools necessary to advise other young people in social entrepreneurship. To create a space for assessment and discussion of the impact of social entrepreneurship in decreasing unemployment and building a better environment with relevant stakeholders. Increasing the knowledge of young people on social entrepreneurship and providing them with opportunities and tools to start their own “social enterprises” Minimum requirements: – Over 18 years, – Ability to speak English, – Experienced in social entrepreneurship, – Citizen of Azerbaijan, Turkey, Croatia, Bulgaria, Macedonia and Greece, – Should be an initiative person and try to contribute to his/her community. – Social entrepreneurs and beginners Travel support: All expenses including accommodation, catering, visa and roundtrip travel expenses of the participants will be covered by organizers. Deadline of application: 28 February 2020 How to Apply? Click here to apply for https://tinyurl.com/un9g5sv Detailed information: https://tinyurl.com/tehuj9o