Author name: CEFE

Ресурси

Водич за гејмификација како алатка за работа со младите

Game ON! обуката, која се одржа од 1 јули 2024 до 7 јули 2024 година, го зголемува знаењето и свеста за темата гејмификација како алатка за работа со младите, преку соба за бегство и методологија. За овој проект успеавме да направивме водич. Преку овој проект, успеавме да станеме посвесни за тоа како собите за бегство може да се користат во рамките на младинската работа за да се одржат сесии, па дури и да научиме како да изградиме соба за бегство што може да се користи во сесиите што се спроведуваат со младите. Нашиот водич можете да го најдете на следниот линк: https://num.hr/wp-content/uploads/2024/08/Game-ON-GuideBook.pdf

Ресурси

Како да ја искористиме природата за да се справиме со проблемите менталното здравје?

Steps of Wilderness, одржан од 20-ти до 27-ми април 2024 година ни покажа како да ја искористиме природата како алатка за да помогнеме на личноста да се справи со проблемите со менталното здравје низ кои поминува, сето тоа благодарение на „Wilderness Therapy”. Преку овој проект, успеавме да развиеме повеќе вештини при работа со млади и да создадеме прирачник за да им помогне на сите да работат подобро и да бидат поинклузивни кога работат со млади кои имаат тешкотии во менталното здравје. Нашиот водич можете да го најдете на следниот линк: https://num.hr/wp-content/uploads/2024/06/Steps-of-Wilderness-Guidebook.pdfПроверете го и искористете го добро!

Ресурси

Научно истражување за мапирање на активностите кои ги поддржуваат вештините за себенасочено учење

Со огромно задоволство сакаме да ве известиме дека нашата организација ЦЕФЕ Македонија активно учествуваше во научно истражување за мапирање на активностите кои ги поддржуваат вештините за себенасочено учење, со цел да се најде модел за поддршка на вештините за себенасочено учење кај NEET-младите (младите кои не се ниту вработени, ниту во образовен процес). Ова научно истражување претставува значаен чекор во нашите напори за разбирање и подобрување на процесите на индивидуално учење и саморазвој. Себенасоченото учење е од суштинско значење во денешниот брзоменувачки свет, каде што способноста за самостојно стекнување на нови знаења и вештини стана клучен фактор за успех. Преку нашето учество во ова истражување, имавме можност да придонесеме со нови сознанија кои можат да помогнат во подобрување на образовните методи и да поттикнат поширока примена на себенасоченото учење во различни контексти. Сакаме да изразиме благодарност до сите партнери кои беа дел од оваа истражување кое беше во рамките на Ерзмус + проектот “SDL competencies for NEET-youth”. Исто така, сакаме да се заблагодариме и на Елена Петковска и Валентина Тодороска кои беа истражувачкиот тим на ЦЕФЕ Македонија. Прочитајте го научното истражување на следниот линк: https://www.frontiersin.org/journals/education/articles/10.3389/feduc.2024.1433484/full

Вести, Соработки

БАРАЊЕ НА ПОНУДИ: Консултантски услуги за проценка на влијанието на активностите на ЦЕФЕ Македонија

ЦЕФЕ Македонија бара експерт/и за мониторинг и евалуација за да го оценат влијанието на нашите активности во периодот 2014-2024 година на работењето во Македонија, Европа и остатокот од светот. Интро Организацијата го имаше своето првично формирање од ЦЕФЕ обучувачи кои се запознаа и учествуваа на ЦЕФЕ обуката на тренери во 1997 година во Македонија.  Главната мотивација за формирање на ова здружение на граѓани беше/е да се промовира претприемачкиот ум и дух. ЦЕФЕ Македонија е официјално основана во 2008 година во Скопје, Македонија како непрофитна, непартиска организација. Мисија: зголемување на деловните компетенции на економските чинители во општеството. Визија: подигната претприемничка култура и зголемена вработеност. Основен инструмент на нашето работење е методологијата ЦЕФЕ (Економии базирани на компетентност, Формирање претпријатија), која користи алатки ориентирани кон акција и едноставни методи за учење со цел развој и подобрување на вештините на менаџментот и личните претприемачки компетенции во контекст на: зголемување на приходите, отворање на нови работни места и одржлив економски развој.   Обуки Проекти Консалтинг Настани 2014 – 2024 + 300 + 30 + 100 + 20 Покрај целните корисници, младите 16 – 30 години и возрасните 30 + активностите влијаеле и на нивните: ● Бизниси, училишта, невладини организации, институции ● Обучувачи, едукатори и други младински работници Цели на истражувањето Со оглед на тоа што организацијата влегува во својата 10-годишна работа со (најчесто) европски фондови и други донатори на финансирање, ЦЕФЕ Македонија бара надворешен експерт за мерење на кумулативното влијание како CEFE Методологијата и нашите активности влијаеле на различните елементи на животите на луѓето (т.е. претприемнички начин на размислување и култура, приходи, профити, зголемување на вработени, развој на професионална или лична кариера). Експертот треба да има искуство во дизајнирање и спроведување проценки на влијанието и да биде запознаен со областа на претприемништвото, економскиот развој и образованието во Македонија. Заинтересираните апликанти можат да го прочитаат целосното Барање за предлози и да најдат повеќе информации за проценката и деталите за апликацијата во дадената хиперврска. Времетраење Студијата за истражување на влијанието ќе се одвива во период од приближно три месеци во втората половина на 2024 година. Студијата идеално ќе се одвива од септември до ноември 2024 година, но може да се прилагоди на сличен период во првата половина на 2025 година. Точната временска рамка ќе се дискутира и одлучува во договор со избраниот давател на услуги. Профил на консултант/ка Консултантот треба да ги исполнува следниве услови: ● Потврдено искуство од најмалку 5 години во мониторинг и евалуација, проценка на влијанието или поврзано искуство во истражувањето; ● Искуство од работа со мониторинг и евалуација во областа на образованието и/или економскиот развој; ● Одлично познавање на македонскиот јазик во пишана и говорна форма, познавање на англискиот јазик. Начин на доставување на понудите Заинтересираните апликанти треба да достават предлог во PDF формат на info@cefe.mk со тема „Предлог: Процена на влијанието на ЦЕФЕ Македонија“. Крајниот рок за поднесување предлози е 25 август 2024 година. Предлогот треба да содржи: 1. Придружно писмо вклучувајќи ја соодветноста на консултантот за студијата и примери на искуство релевантно за оваа задача; 2. Биографија на консултантот; 3. Контакт детали за три референци; 4. Кратка белешка за предложената методологија. Се охрабрува пристап со мешани методи; 5. Предвидена временска рамка за вршење на работата; 6. Буџет, вклучувајќи такси за консултантски услуги и трошоци поврзани со студијата; 7. Формат со содржина на конечниот извештај од истражувањето; 8. Примерок од слична студија, на пример извештај за кој консултантот го водел. Апликантите кои ќе влезат во потесниот круг ќе бидат поканети на интервју со тимот на ЦЕФЕ Македонија. Ве молиме упатете ги сите прашања до Јован Сталевски j.stalevski@cefe.mk  или Елена Гагачева elena.g@cefe.mk Request for Proposals: Impact Assessment Services Consultancy Services for Impact Assessment of CEFE Macedonia’s activities for people of the world CEFE Macedonia is looking for monitoring and evaluation experts to evaluate the impact of our activities during the 2014-2024 period of operating in Macedonia, Europe and the rest of the world. Background The organization had its initial formation by CEFE trainers which met and participated in CEFE Training of Trainers in 1997 in Macedonia.  The main motivation of forming this association of citizens was/is to promote entrepreneurship mind-set and spirit. CEFE Macedonia was officially established in 2008 in Skopje, Macedonia as a non-profit, non-partisan organization. Mission: to increase business competences of economical actors in the society.  Vision: raised entrepreneurial culture and increased employment. Basic instrument of our operation is the CEFE methodology (Competency based Economies, Forming of Enterprises), which uses action oriented tools and simple learning methods with the aim of developing and improving the management and personal entrepreneur’s skills in the context of: revenue increase, opening of new jobs and sustainable economic development.   Training Projects Consultancy Networking Events 2014 – 2024 + 300 + 30 + 100 + 20 In addition to the target beneficiaries, youth 16 – 30 y.o, and adults 30 + the activities impacted also their: Objectives of the Impact Assessment As the organization is entering its 10 year of working with (mostly) European funds and other funding donors, CEFE Macedonia is looking for an external expert to measure the cumulative impact how CEFE Methodology and our activates impacted different elements of the constituents lives (i.e. enterprising mindset and culture, income, profits, increasing of employees, development of professional or personal career). The expert should have experience in designing and conducting rigorous impact assessments and be familiar with the area of entrepreneurship, economic development and education in Macedonia. Interested applicants can read the full Request for Proposals and find more information about the assessment and application details in the hyperlink provided. Timeline The impact study will take place over a period of approximately three months in the second half of 2024. The study will ideally take place from September – November 2024 but can be adapted to a similar period in the first half of 2025. The exact timeline will be discussed and decided in agreement with the selected service provider. Consultant Profile The consultant should meet the following requirements: Proposal Requirements Interested applicants should submit a proposal in PDF format to info@cefe.mk with the subject

Вести

“YE on Active LeisureTime” / ‘ Младинска размена за активно искористување на слободното време“

Во периодот од 17.06.2024  до 27.06.2024 година во соработка со Здружението на граѓани ЦЕФЕ Македонија во рамките на Erazmus + проектот “ YE on Active LeisureTime” / ‘ Младинска размена за активно искористување на слободното време “  во малото гратче Кристуру Секуеск ( Cristuru Secuiesc) во Романија учество зедоа учениците Павел Велинов, Филип Арсов, Драгана Саздова, Кирил Стојанов, Марио Николов и Бојан ДиМитровски со тим лидерот професорот Жаклина Атова од СОУ “ Коле Нехтенин “ oд Штип. Заедно со ученици од Шпанија, Словачка, Турција и Романија тие реализираа многу активности . Како што се: -меѓусебно запознавање, надежи, стравови и очекувања, договори за учење и правила на размена, правила на куќата; – Што е активно слободно време? Мерење како го поминуваме слободното време: -градење на тим и откривање на градот -пешачење во шумата, дебата: пасивно наспроти активно слободно време; -интеркултурна вечер (преставување и пробување на грицки и храна карактеристична за секоја земја) -јога, зумба, интеркултурна активност- игри од детството од секоја од земјите -power point презентација -претставување на својата зекмја, историјата, традициите и обичаите -поткаст- проблеми со кои се соочуваат тинејџерите – Разгледување со водич и слободно време во средновековниот град Сигишоара ( Sighisoara), градот во кој е роден грофот Влад Цепеш Дракула и кој е под заштита на УНЕСКО; -групна уметност-цртање на платно; волонтирање -фарбање на клупите во градот; -театарска претстава, спортски активности, изработка на куќички за птици+ – бура на идеи за работилници-изработка на план за десиминација  во училиштето и негово презентирање -посета на локалниот музеј – Евалуација на Младинска размена и церемонија Youthpass. Голема благодарност до CEFE Macedonia/ЦЕФЕ Македонија и до претседателот Јован Сталевски за поканата и за можноста СОУ “ Коле Нехтенин  “ да се вклучи во овој проект.

Вести

Интеграција на претприемачки вештини во образованието: Клучен фокус на Глобалната ЦЕФЕ конференција за претприемништво 2024

Глобалната ЦЕФЕ Конференција за претприемништво која што се одржа на 26.06.2024 во Јавна Соба во Скопје, а во организација на ЦЕФЕ Македонија заврши со голем успех собирајќи експерти, претприемачи, наставници, образовни експерти, претставници на граѓански организации и професионалци од различни индустрии. Оваа година, ЦЕФЕ конференцијата привлече повеќе од 100 учесници, кои дојдоа да ги споделат своите знаења и искуства и да дискутират на клучните теми кои ја дефинираат иднината на претприемништвото и образованието во Македонија. Оваа година, конференцијата се фокусираше на следните теми: Првата сесија, „16 години градење компетентни претприемачи“, го истакна напредокот и достигнувањата на ЦЕФЕ Македонија во областа на претприемништвото во последните 16 години. На оваа тема свое обраќање имаa Јован Сталевски, обучувач и Претседател на ЦЕФЕ Македонија и докажаниот Зоран Витанов, кој е еден од основачите на ЦЕФЕ Македонија. Тие ги споделија своите увиди за клучните фактори кои придонесуваат за успешен претприемачки пат и развој на бизнис идеи. Втората сесија, „Зошто претприемачките компетенции се потребни во стручното образование“, ги истакна важноста на претприемачките вештини за модерното образование и како тие можат да помогнат во развојот на иновативни и конкурентни кадри. На панел дискусијата учествуваа претставници и наставници од стручните образвони институции кои ги споделија своите увиди и експертиза за тоа како претприемачките компетенции можат да се интегрираат во образовните програми. Третата панел дискусија, „Како претприемачите самостојно да се поттикнуваат да учат?“, се фокусираше на стратегии и техники за континуиран личен и професионален развој. Учесниците беа инспирирани со методи за самостојно учење и мотивација, кои можат да им помогнат во нивниот претприемачки пат. Исто така за време на оваа панел дискусија, беа промоовирани алатки и методологии за поттикнување на учење кај младите претприемачи. Последната панел дискусија на темата , „Потребите на туристичкиот сектор во Македонија – на каде да одиме?“, привлече големо внимание. Се зборуваше за предизвиците и можностите за развој на туризмот во Македонија, претставувајќи конкретни стратегии за подобрување на секторот и неговото приспособување кон модерните трендови и барања. Оваа сесија поттикна жива дискусија меѓу учесниците, кои разменуваа идеи и решенија за унапредување на туристичкиот потенцијал на Македонија и како технлоогијата може да го подобри развојот на туризмот во Македонија. „Оваа конференција беше одлична можност за споделување идеи и најдобри практики за развој на претприемачките компетенции и иновации во различни сектори. Задоволни сме од позитивниот одговор и од самиот ангажман на учесниците,“ изјавија од ЦЕФЕ Македонија, организаторите на конференцијата. Конференцијата заврши со заклучок дека интеграцијата на претприемачките вештини во образованието се клучни за иднината на и дека е потребно да се продолжи со вложувањата во нивното интегрирање во образовните програми.