30 Години креираме компетентни претприемачи во целиот свет!
Ова е мотото на глобалната конференција за промотерите на ЦЕФЕ методологијата и филозофијата за претприемачки развој. Конференцијата се одржа од 31 јули до 03 август 2018 во Келн, Германија. На неа учествуваа 35 обучувачи, менаџери, консултанти, претприемачи од 4 континенти: Чиле, Перу, Венецела, Аргентина, Германија, Албанија, Србија, Белгија, Холандија, Ирак, Мароко, Либија, Тунис, Алжир, Тајланд и Шри Ланка.
Тука се разговараше и се поставуваа трендови и стратегии за:
- развој на претприемништвото и малите и средни претпријатија
- иновативноста во бизнис обуките
- иднината на интернационалната соработка и ЦЕФЕ центрите
- стандардите за квалитет на ЦЕФЕ брендот
- зацврстување и промовирање на ЦЕФЕ во земји од Западна и Централна Европа и САД.
ЦЕФЕ Македонија ги претстави резултатите од своето работење во претходните 5 години при што опфати повеќе од 4000 учесници од различни таргетни групи и многубројни консултации и организирани настани.